Tafiditra ao anatin’ny politikam-panjakana ny fandrindram-piterahana. Olana rahateo ny fahabetsahan’ny mponina ka antony nahatonga ny teo anivon’ny fitondram-panjakana nametraka politika mazava momba ny fandrindram-piterahana, araka ny fanazavan’ny mpitarika ny fiarahamonim-pirenena sady sefo fokontany Anosizato Atsinanana, Rafano­me­zan­tsoa Jean Nirina. Nambarany fa miteraka fahantrana lalina ny fitomboan’ny mponina diso tafahoatra amin’izao fotoana izao. Nanome ohatra izy fa anisan’ireo be mponina ny eo anivon’ny fokontany hiadidiany. «Miteraka fahantrana lalina ho an’ny firenena indrindra ny fihariana ny tsy fahaizana mandrindra ny taranaka. Ady goavana mbola hatrehintsika amin’izao fotoana izao izany», hoy izy. Tsy maintsy tadiavina ny fomba rehetra mba hahatonga izany fanentanana izany hipaka any amin’ny vahoaka tsirairay avy. «Tsy misy tokony hampiahiahy ny fandrindram-piterahana. Andao hiara-hientana ny rehetra indrindra ny isam-pokontany», hoy hatrany izy.

Jean Claude

Nametraka fanamby goavana. Hanomboka ny faha-22 jolay ho avy izao ny fanadinana bakalorea. Nambaran’ny eo anivon’ny minisiteran’ny Fampianarana ambony sy ny fikarohana momba ny siansa (Mesupres) fa efa vonona izy ireo.

Nambaran’ny minisitra mpi­solo toerana, Ravo­ka­tra Fidiniavo, fa efa vonona amin’ny fitaovana sy ny fandaminana rehetra ny fanjakana. Eo koa ny fampiasana ny rindrambaiko “Bacc Data 2024”, ahafahana mahita amin’ ny antsipiriany ny zava-misy isa­ky ny efitranom-panadi­na­na izany. Ohatra, ny isan’ny mpi­anatra, ny jiro sy ny fitantanana amin’ny ankapobeny, araka ny nambarany. “Hifanto­han’ny minisitera koa ny tsy hi­ve­renan’ny fivoahan’ ny laza adina mialoha ny fotoana raha lesoka izany tato anatin’ny taona vitsivitsy amin’ ny fiatrehana ny fanadinana bakalorea”, hoy izy. Nanteriny fa miara-mifarimbona ny fitondram-panjakana sy ny governemanta hahatontosa izany, araka ny nambarany. “Roa isaky ny taranja ny laza adina noforonina teo aloha fa natao maromaro kosa izany amin’ity indray mandeha ity”, hoy izy. Anisan’ny fepetra noraisina ny momba ny famonosana sy ny fandefasana ireo laza adina amin’ireo foibem-panadinana manerana ny Nosy. Azo antoka ny fepetra rehetra napetraka tsy hivoahan’ny laza adina mialoha ny fotoana, araka ny nambarany hatrany. Mandray an­drai­kitra feno any amin’ny fari-piadidiana koa ireo préfet sy ny sefo distrika ary ny mpitandro fil­aminana sy ireo rantsa-mangaikan’ny minisitera any an-toerana.

Nanentana ireo mpianatra tsy ho voarebireby any anaty tambajotran-tserasera ka halaim-panahy handoa vola mba ahazoana laza adina mialoha ny minisitra. Tahaka izany koa ireo ray aman-dreny. “Manimba ireo tanora izany no manimba ny firenena koa. Horaisina, araka ny lalàna, ny fepetra ho an’ireo manaparitaka laza adina hatrany anaty tambajotran-tserasera any”, hoy ihany izy.

Synèse R.

Hotanterahina etsy amin’ny Lapan’ny fanatanjahantena Mahamasina, amin’ity talata ity ny famaranana hiadiana ny ho tompondakan’ny ranomasimbe Indianina ho an’ny ekipa tompon’ny amboara (CCCOI 2024), taranja handball, sokajy “senior”, lahy sy vavy. Adin’ny ekipa malagasy sy i Mayotte izany na eo amin’ny vehivavy na ho an’ny lehilahy.
Ho an’ny andriambavilanitra, hifandona ny THBC sy ny ASC Tsingoni. Hanala vela amin’ity ny ekipa malagasy. Raha tsiahivina, resin’i Tsin­go­ni, tamin’ny isa 22 no ho 17 nandritra ny fihaonan’ny roa tonta farany ny sabotsy 13 jolay lasa teo. Ity izany ny tsontsorimamba isarahana eo amin’izy ireo.
Ho an’ny lehilahy, hifanandrina ny AS St Michel sy ny CH Combani. Teo amin’ny manasa-dalana, natao ny alahady lasa teo, resin’ny St Michel tamin’ny isa 33 no ho 31 ny ASC Tsingoni avy any Mayotte. Lavon’ny CH Com­bani tamin’ny isa 36 no ho 34 kosa ny St Pierre Handball Club avy atsy La Réunion. Nandritra ny fifanintsanana, samy nitana ny laharana faharoa tao amin’ny vondrona nisy azy ny St Michel sy ny Combani.

Tompondaka

Tsy mbola votsotra eo am-pelatanan’i Argentine ny amboaran’ny “Copa America”, efa azony ny taona 2021. Omaly alatsinainy, nandritra ny famaranana, natao tao amin’ny kianja Miami, resin’i Argentine tamin’ny isa tokana 1 no ho 0 i Colombie. Nivoaka sempotra anefa ny Argentine vao nivoaka ho mpandresy, satria efa tany amin’ny fanalavam-potoana, 112 mn, vao nahafaty io baolina tokana io i Lautaro Martinez. Nifandanja ny lalaon’ny roa tonta ary nifamaliana hatrany am-boalohany ka hatramin’ny farany ny fanafihana. Nihevitra ny rehetra fa ho tonga any amin’ny fandakana ny “tirs au but” ny lalaon’ny roa tonta saingy baolina voatsoriakan’i De Paul, izay nanome an’i Martinez no nahazoan’i Argentine ny fandresena.
Tsiahivina fa tsy nahavita ny lalao hatramin’ny farany i Messi. Voatery nesorina ny tenany noho ny dona nahazo ny tongony havanana teo amin’ny faha-66 mn nilalaovana. Ranomaso, no nialany ny kianja saingy nivadika ho fifaliana izany rehefa nivoaka ho mpandresy ry zalahy.
Ankoatra izay, tsy nanomboka ara-potoana ity famaranana ny “Copa America” ity, noho ny fibosesehan’ny mpijery hiditra ao anaty kianja. Nihemotra ora 1 sy 22 mn amin’ny ora voatondro vao nandeha ny baolina. Nisy voasambotra ta­min’ireo mpijery tonga tany an-toerana.

Tompondaka

Any ivelan’i Madagasikara no handray ny lalao mandroso, ny ekipan’ny Elgeco plus, solontenan’ny Malagasy amin’ny fiadiana ny amboaran’ny Kaonfederasiona afrikanin’ny baolina kitra (CCAF).

Tsy mbola manana kianja ankatoavin’ny Caf i Ma­dagasikara. Araka izany, nilaza ny loharanom-baovao iray avy eo anivon’ny klioba Elgeco Plus de Madagascar fa any Maurice no handray ny lalao mandroso izy ireo, raha hifanandrina amin’ny Lunda Sul Angola, ny volana aogositra ho avy izao. Fihaonana izay tafiditra amin’ny dingana voalohan’ny fiadiana ny amboaran’ny Kaonfedera­siona afrikanina (CCAF).
Raha ny fantatra, hiantso mpilalao hanatevina azy ireo ity tompon’ny amboaran’i Ma­dagasikara 2024 ity. Anisan’ ny antsoina amin’izany i Rado, vodilaharan’ny AS Fa­na­lamanga. Araka ny fanazavan’ity mpampita vaovao ity, afaka mametraka mpilalao 37 isa ny klioba iray mifanintsana amin’ity amboaran’i Afrika ity, ary aterina ny zoma ho avy izao ny lisitra ofisialin’ny mpilalao mandrafitra ny ekipa iray.
Tsiahivina fa ekipa vao haingana ny Lunda Sul, ny taona 2020 teo no niforonany. Herintaona monja dia efa niatrika ny fifaninanam-pirenena tany an-toerana. Mitana ny laharana fahatelo izy ireo any Angola. Tsara marihina fa raha tafavoaka eo ny Elgeco dia hifanandrina amin’ny Sekhukhune Utd avy atsy Afrika Atsimo.

Maratra i Jean Yves

Mbola tsy tomombana tsara ny fahasalaman’i Jean Yves, lohalaharan’ny Elgeco Plus. Tsiahivina fa tapaka ny tanany nandritra ny lalao famaranan’ny “Telma Coupe 2024”, izay nihaonan’ny CFFA sy ny Elgeco, ny 7 jolay lasa teo, teny By-pass. Mitady mpilalao izay afaka hanolo ny toeran’i Jean Yves ny staff ao amin’ny Elgeco Plus mandra-pahasitran’ity Malagasy mpilalao ity.

Fitia Randria

Le corps sans vie d’un jeune homme d’environ 25 ans a été retrouvé dans un buisson dans le fokontany d’Ankadinitavimena, Alasora, hier après-midi. Les autorités du quartier s’étaient rendues sur place pour procéder aux constatations d’usage.

Un homme a été retrouvé mort pendu du haut d’un arbre, hier matin à Beapombo, Fandriana. Une enquête a été ouverte dans le village afin de comprendre l’origine exacte de la mort de l’individu originaire d’Ankafobalo.

Un jeune homme de 21 ans a été admis aux urgences de l’hôpital d’Ambatolampy avant-hier, suite à des blessures graves occasionnées par un accident de la route survenu à Behenjy.

Un homme et trois femmes sont placés en détention préventive à la maison centrale d’Antanimora, à
l’issue de leur comparution devant le parquet du tribunal d’Anosy, hier. Impliqués dans une affaire de trafic d’héroïne ou rôrô, ils ont été arrêtés à Isotry le 12 juin.
Forts d’un renseignement, des éléments du CUI1 et de la SUT se sont rendus à IVO Isotry, où ils ont retrouvé les quatre suspects. Lors d’une fouille corporelle, les policiers ont découvert 51 paquets de rôrô sous les vêtements de l’une des trois femmes. Tous les quatre ont été arrêtés sur le champ et ont fait l’objet d’une enquête.

LR

Un incendie s’est déclaré, dimanche vers 15h au studio de la Radio Ny Antsika (RNA) FM 94.2 MHz à Ma­nanara Avaratra, ayant causé la perte de divers outils de travail et autres machines, tous dévorés par les flammes. Le personnel présent sur place au moment du drame n’a pu en sauver qu’une miette. Cependant, aucune perte en vie humaine n’est à déplorer.
D’après les responsables de la station, le feu n’est pas venu de l’intérieur. « Ce que nous pouvons dire est que la source de l’embrasement était ailleurs et les flammes se sont propagées jusqu’à notre station », a-t-on indiqué. Le Fokonolona s’est immédiatement donné la main pour éteindre le feu avec les moyens du bord. « L’origine de l’incendie reste un mystère pour nous. Quoi qu’il en soit, nous remercions tous ceux qui nous ont prêté main forte durant cette épreuve », a-t-on conclu.

LR

Un gendarme blessé, une porte cassée, des meubles détruits. Le poste avancé de la gendarmerie de Fenoari­vo, commune rurale de Ma­hajamba Usine, district de Mahajanga II, a été pris d’assaut par des villageois dé­chainés, avant-hier dans la matinée.
Vers 9h, une cinquantaine d’individus en furie s’est attroupée devant le poste de la gendarmerie de Fenoarivo pour réclamer la tête d’un présumé assassin qui y a été placé en garde à vue.
La situation a dégénéré très vite, sans que les gendarmes en poste au sein de l’unité n’aient eu le temps de se préparer. Les villageois ont envahi le bureau et l’ont saccagé. Un gendarme qui a tenté de les empêcher d’entrer a été roué de coups.
Afin de disperser la foule, les autres éléments ont décidé finalement de faire des tirs en l’air et plus tard, les envahisseurs ont déserté la zone.

Mobilisées en urgence
Les autorités locales ont dû se mobiliser en toute urgence. Les élus locaux, le chef de district, le commandant de la gendarmerie nationale ainsi que des renforts en provenance de la ville de Mahajanga, s’étaient déployés sur place dès avant-hier, quelques heures après les événements, en vue d’apaiser la situation et rétablir l’ordre sur place.
Actuellement, le calme est revenu dans la localité suite aux dialogues menés par les autorités avec les ma­nifestants. Néanmoins, de nombreux éléments des forces de l’ordre restent présents dans la zone pour in­tervenir immédiatement en cas de rebondissement de situation.

Découverte macabre…
Tout a commencé lorsque le cadavre d’un employé de la commune rurale de Mahajamba Usine a été retrouvé dans le fokontany de Besakoa, le 10 juillet. L’examen du corps a révélé qu’il s’agissait d’un homicide.
Des rumeurs ont couru dans le village plus tard, selon lesquelles le meurtrier a été arrêté par la gendarmerie. Les proches de la famille de la victime accompagnés de nombreux villageois se sont rués auprès du poste de gendarmerie avant-hier pour réclamer à ce qu’on leur livre le suspect. La gendarmerie a toutefois indiqué qu’aucune personne n’a encore été interpellée dans cette affaire. La foule a voulu, elle-même, confirmer l’exactitude de ce qu’on leur a avancé, et a envahi le bureau de la gendarmerie.

ATs.

Un nouvel accident mortel de la circulation s’est produit, hier vers 11h sur la RN1 à hauteur d’Ambatonapoaka Arivonimamo.

Un cycliste et ses deux passagers dont un bébé sont morts et les dégâts matériels étaient considérables. Un tout-terrain de marque Rexton a embouti la partie arrière d’un minibus Mazda qui a percuté à son tour la bicyclette en marche.
Le père de famille âgé d’une quarantaine d’années, au guidon de la bicyclette, est mort sur-le-coup. Son corps a été déposé à la morgue de l’hôpital d’Imerin­tsia­tosika. Sa femme enceinte et son enfant, grièvement blessés, ont été évacués d’urgence au Centre hospitalier universitaire Joseph Ravoa­hangy Andrianavalona (CHU-JRA) Ampefiloha. Cependant, malgré les soins prodigués, ils ont succombé à leurs blessures sur leur lit d’hôpital, a indiqué le commandant de la brigade des polices de la route Arivoni­mamo, joint au téléphone hier.
Les passagers des deux véhicules motorisés, par contre, s’en sont sortis in­demnes. Quoi qu’il en soit, la partie arrière de la Mazda a été endommagée et le vitre du tout-terrain en partie cassé. D’après les explications, tous les trois roulaient en direction de la capitale. Le minibus s’est arrêté au bord de la route et la bicyclette à triple montée l’a dépassé. Le tout-terrain lui aussi allait le doubler quand un véhicule venu en sens in­verse, est apparu soudainement. Le conducteur du 4×4 a alors repris à la hâte son côté droit, provoquant une collision avec le véhicule en arrêt. La violence du choc a été telle que ce dernier s’est propulsé en avant et a renversé à son tour le deux-roues.
Cette petite famille de trois personnes allait rejoindre le CSB 1 Masikamalona. Enceinte, la mère de famille devait effectuer l’échographie de routine et c’est pour cela qu’elle était accompagnée de son mari et son enfant. Le sort en a décidé autrement, c’était son dernier voyage. Autant dire que la plupart des accidents de ces derniers temps étaient mortels. Depuis vendredi, pas moins de 12 personnes ont perdu la vie, dont le scoo­tériste à Soavinimerina Avaradrano.

LR

Hanomboka anio, etsy amin’ny Kianja Barea Mahamasina, ny “Forum Africain Mini-Basket”. I Madagasikara no mampiantrano ity andiany faha-6 ity, izay hositrahin’ny ankizy miisa 400 manerana ny Nosy. Atrikasa fampianarana basikety ho an’ny ankizy ny “Forum Africain Mini-Basket”, izay ahitana fampiofanana isan-karazany. Mpanazatra 70 avy amin’ny firenena afrikanina 15 ihany koa no hizara ny traikefany amin’ireo ankizy ireo, ka hitarika izany ireo manam-pahaizana espaniola, i Guillermo Calvo, sy ilay Maraokanina, i Amri Nour. Omaly no nandraisana ireo ankizy handray anjara ary avy hatrany dia hikatroka izy ireo anio. Araka ny fandaharam-potoana, haharitra hatramin’ny 18 jolay izao ity atrikasa ity. Tanjona ny hanomezan-danja ny taranja basikety ho an’ny ankizy ary hitarihana azy ireo hankafy ity taranja ity. Marihina fa tany Tanzanie no nanaovana ny andiany faha-5, tamin’ny taona 2023 ka anisan’ny nandray anjara tamin’izany ihany koa i Madagasikara. Ny Fiba Afrika sy ny Fondation Fiba no mikarakara ny “Forum Africain Mini-Basket” izay hatao amin’ny firenena afrikanina isan-taona.

Mi.Raz

Ho fanomezan-danja ny akora vokariny, nampanao fifaninanana « Tombola » ho an’ireo mpanjifany ny orinasa Alpha ciment. Norombahin-dRafaralahindrianiaina Bruno avy eto Antananarivo ny loka goavana.

Natao ny alarobia 10 jolay lasa teo, tetsy Tsaralalàna, ny fanolorana ny loka ho an’ireo mpanjifa nahazo tamin’ny «Tombo­la Miara-manorina mba haharitra», nokarakarain’ny orinasa Alpha ciment. Nandrombaka ny amboara lehibe, tapakila fahazoana mividy ny akora «bon d’achat» mitentina 10 tapitrisa Ar, Rafaralahindria­niai­na Bruno, nanjifa izany teny amin’ny toeram-pivarotana eny Ilafy.
Notsiahivin’i Vincent Blan­chet, tale jeneralin’ny orinasa fa tanàn-dehibe 5 no nanaovana ny fifaninanana dia Antananarivo, Antsirabe, Fia­narantsoa, Toliara, Toamasi­na, nahitana mpaninjara 493. Nahatratra 600 ireo tapakila natonta ka nisy 500 ireo nandray anjara. Nahafa-po ny vokatra satria nihoatra noho ny noeritreretina. Naharitra 1 volana ny fifaninanana, na­nomboka ny 26 mey ka hatramin’ny 26 jona lasa teo. Niisa 16 ireo mpandresy, tamin’ity andiany ity ka mpanjifa avy eto Antananarivo no nahazo ny voalohany manerana ny Nosy.
Nahazo “bon d’achat” 2 tapitrisa Ar ihany koa Andrian­jatovo Jacques Léonce, nitana ny laharana voalohany ho an’ ny vondrom-paritra Anta­nana­rivo. Simenitra milanja 3 taonina ny an-dRakotoari­manana Alain François, nahazo ny laharana faharoa raha 1 taonina ny an-dRahajanirina, fahatelo. Samy notoloran’ny Alpha ci­ment fanomezana daholo kosa ireo mpaninjara, tamin’ity.
Ho an’ny vondrom-paritra Antsirabe, voalohany Man­dim­bison Mickael. Tany Fia­narantsoa, nibata ny loka Ramaharosandratana Abdon Jean de la Croix. Tany Toamasina, lasan’i Tiana ary i Sendra ny tany Toliara.

Torcelin

Hiara-hiasa ny APMF sy ny polisim-pirenena amin’ny fanotana « Pièce d’identité de Marin » (PIM) ho an’ireo tantsambo malagasy. Mahatratra 11 000 ireo tantsambo teratany malagasy ary miasa eo amin’ny sehatra iraisam-pirenena avokoa ny 5 000 amin’ireo. Hanamafy ny fitokisan’ireo mpampiasa, ny mpampitao sy ny tompon-tsambo, ny fitokisan’ireo firenena hafa ny tantsambo malagasy mandalo amin’ny taniny sy ny fari-piadidiany ny fananany ny PIM.

Hihatra amin’ity volana ity ny vidin-tsolika tena izy. Nankatoavina nandritra ny filankevitry ny minisitra farany teo ny fanitsiana ho an’ny vidin-tsolika, mba hampihenana ny elanelana misy eo amin’ny vidiny antonony eny amin’ny tobin-tsolika sy ny vidin-tsolika (PRC) kajian’ny Office malgache des Hydrocarbures. Na izany, tokony ho ferana ho 200 Ar isaky ny litatra ny fiakarana.

Hamokatra herinaratra avy amin’ny masoandro 11 Megawatts ireo plaques solaires amina velarana 88 000m2 eny ambonin’ny tafon’ny zones industrielles nataon’ny Groupe Filatex. Marihina fa efa nanangana tobim-pamokarana herinaratra mandeha amin’ny masoandro any amin’ny faritra ihany koa ny orinasa izay mamokatra herinaratra 50 MGW.

Manaja tanteraka ny tontolo iainana ny fambolena lomotra eto amintsika. Manodidina ny 3 000 taonina ny vokatra amin’izao fotoana izao, tanjona ny hampakarana izany ho 25 000 taonina maina, ho an’ny taona 2030. Ny lomotra izay anisan’ny miantoka ny fiveloman’ireo hazandrano isan-karazany.

An-tapitrisa isan-taona ny taratasy zarain’ny Paositra malagasy (Paoma) raha ana hetsiny kosa ireo entana tanteriny manerana ny Nosy. Nisy, araka izany, ny fampitaovana, toy ny moto, kitapo (sac porte-document et sac à dos) an’ireo faktera maherin’ny 200 eo anivon’ny Paoma tetsy Alarobia, ny zoma teo, hanatsarana ny fomba fiasa sy ho fanomezana fahafaham-po ny mpanjifa. « Vola madiodion’ny Paositra malagasy no nahazoana ireo fitaovana ireo », hoy ny tale jeneraly mpisolo toerana eo anivon’ny Paositra malagasy, Andria­nasolomampionona Désiré Joseph. Nambarany fa mbola hitohy manerana ny Nosy ny hetsika. Kendrena manokana ny hampakarana ny lentan’ny mpiasa sy hanatsarana ny tolotra omena ny mpanjifa. Ho avy tsy ho ela rahateo, hoy izy, ny sambo hitatitra entana mankany ivelany izay hampiasain’ny Paoma hanatsarana ny kalitaon’ny tolotra hatrany.

Fifaninanana
Manana ny anjara toerana lehibe eto amin’ny firenana ny Paositra malagasy amin’ny fananany ireo masoivoho marobe manerana an’i Madagasikara. Mivoatra manaraka ny toetrandro ihany koa ny tolotra omeny na eo aza ny firoboroboan’ny niomerika sy ny haitao ara-kajy mirindra. Nilaza ny tale jeneraly mpisolo toerana fa mbola tsy azo ialana ny fizarana taratasy indrindra any amin’ireo faritra saro-dalana. Ankehitriny, miomana amin’ny fiatrehana ny varotra ampitain-davitra ny Paoma manoloana ny sehatry ny fifaninanana.

Henintsoa H.

Lafo ny vidim-piainana, ankehitriny. Izany no nahatonga ny fifanarahana fiaraha-miasa eo amin’ny Accès banque sy ny tranombarotra Taïwan motor, hitsinjovana ny mpanjifa. Azo aloa tsikelikely ao anatin’ny 24 volana ny vidin’ny moto. Tolotra manan-kery nanomboka tamin’ny fiandohan’ny volana jolay teo.
Nambaran’ny tomponanandraikitry ny Taïwan motor, Tsifaniaina Henintsoa, fa afaka misitraka izany ny mpanjifan’ny roa tonta, manana fidiram-bola na mikarama isam-bolana. Natao ity tolotra vaovao ity, mba hanamarihina ny fisokafan’ny magazay vaovao eny Ankazomanga, manampy ny eny Ivato. Hita ao aminy ny karazana moto 4T, manana tanjaka 100 Cc hatramin’ny 1 200 Cc.
Nambarany ihany koa fa fiaraha-miasa voalohany izao ataon’ny roa tonta izao, fa azo vinavinaina ny andiany manaraka.

Njaka A.

Tsy mandeha amin’ny laoniny ny fiainam-piarahamonina malagasy. Tsy manaraka intsony ny lamina voajanahary, ny zava-misy. Voasarontsarona amin’ny « lafo ny fiainana », fa tsy misy sahy mampibaribary ny fototry ny olana…

Tranga misy any amin’ny ankohonana malagasy maro. Ray niteraka tsy mendrika ny ho fitaratry ny zanany. Reny nitondra sivy volana an-kibo, tsy mahavita manabe ny taranany intsony, noho ny asa aman-draharaha sahaniny hono… Tsy tazana sy tsy iainana ao anatin’ny ankohonan’ny Malagasy intsony ilay fisian’ny hasina ao aminy. Samy manao izay hitsin’ny sainy ny ray aman-dreny sy ny zanaka. Maro aza ny mifamadi-drafitra, ka ny zanaka indray no mampita « anatra » any amin’ireo nahitany masoandro. Maty hasina ny ankohonana sasany. Noho izany, mila omen-kasina na velomin-kasina indray. Ny tokantrano malagasy tsirairay (indrindra fa ireo maty na very hasina) no mila manatanteraka izany.
Tsy zava-baovao teo amin’­ny Malagasy ny mamerin-kasina fa efa hainy sy niainany tany ambadik’Ima­nare­za. « Rehefa fady dia fady », hoy izy. Raha mbola ankohonana malagasy, manana ny fadiny, satria, manana ny ra­zany. Amin’izao vanim-po­toana izao, henatra ny filazana ny fady. Ho an’ny hafa aza, nanjary « finoana » ny fahalalana ny fady.
Ankoatra ny fanajana ny fady, ilain’ny ankohonana malagasy, ankehitriny, ny ma­mantatra ny momba azy. Maro amin’ny taranaka malagasy no tsy manana fototra noho io tsy fahalalana ny fototra io. Ny olona tsy misy fotony, mora mirona amin-javatra tsy azy akory. Mangalatra sy mirehareha amin’ny « zavatry » ny hafa.
… Zava-dehibe ho an’ny ankohonan’ny Malagasy, amin’izao vanim-potoana izao ny mamerin-kasina sy mifamerin-kasina. Tahaka izany ihany koa ny fahafantarana ireo rehetra momba ny fototra nipoirana. Raha ireo no tontosa, hipoitra hanaraka izany ny fitiavan-tanindrazana sy ny tena fahaleovantena!

HaRy Razafindrakoto

Safidy goavana! Fa manana ny antony azy manokana, izay tsy mbola nambarany aloha hatreto i Arnaah. Eny, niverina ho Arnaah indray ny anarana entin’ity mpanakanto ity an-tsehatra, ary manaporofo izany ilay rakitsara vaovao, navoakany omaly. “Mavandy” ny loha­teniny, izay hira noforonin’i Nofar Tafara, natao hifanaraka amin’ny feo sy ny gadona mety amin’i Arnaah, toy ny nahafantarana azy taloha.
Dia ahoana ilay Marinna Lemary, anarana nentiny fony izy nanapa-kevitra ny hiala amin’ny “hiran’izao tontolo izao”, ka hirona manontolo amin’ny fiderana an’Andria­ma­nitra? Tsy mbola nahazoana fanazavana ihany koa ity mpanakanto ity, mahakasika izay.
“Heverinao moramora ra­mose, ny mameno ilay banga navelako e?”. Izany ny ampahan’ny tononkiran’ny “Mavandy”. Hira mifono hafatra ka miantefa amina olona manokana ve? Avela ny mpankafy azy haminavina. Ny azo antoka aloha, efa hiaka-tsehatra hiaraka amin’i Ceasar any Antalaha izy, ny 2 aogositra ary any Sam­bava, ny 3 aogositra. Hofonga­rina hanampy ireo hira vaovao ny taloha efa nampiriminy ela.

Zo ny Aina

Zavakanto anisan’ny maro mpankafy sy miroborobo ny “Slam poésie”. Tsy mikely soroka ihany koa ireo tomponandraikitra manatevina ny fahaiza-manaon’ireo liana amin’izany.

Mikarakara hetsika momba ny « Slam Poésie », eny amn’ny Cercle Germano-Malagasy (CGM Analakely), ny Mada­gaslam Section Tanà (MST). Hetsika natao ho an’ny mpiangaly Slam poésie, indrindra ireo vao misandratra. Tanjona ny hitrandrahana ireo talenta vaovaon’ity taranja ity eto amintsika. Raha tsiahivina, efa nisy ny hetsika sy fifaninana natao ho an’ny eny anivon’ny sekoly. Tsy ampy anefa izany, raha ny nambaran’ny tomponandraikitra satria voafetra ihany ny ankizy afaka mandray anjara tamin’izany. Ity hetsika ity, araka izany, no hanomezana sehatra bebe kokoa ho azy ireo.
Atrikasa sy dinika arahina adihevitra no ho hita mandritra izany, eny amin’ny CGM, anio. Hitarika ny atrikasa i Tagman namgat sy Seth Seven. Mandritra ny tafa arahina adihevitra no hiresahina ny lohahevitra “Mouvement Slam: hier, aujourd’hui…” Jery todika ny lasa sy fiatrehina ny ankehitriny ary fametrahana vina amin’ny ho avy, araka izany, no hatao mandritra ity hetsika ity. Ao anatin’izany no hanomanana sahady ireo fifaninanana maro ho ataon’ny MST. Anisan’izany ny fifaninanana rejionaly sy nasionaly ary ny fifaninanana ho an’ny katita kely.
Anisan’ny zavakanto nentim-bahiny manana ny toerany eto Madagasikara ny Slam poésie. Na ankizy na tanora dia efa mirotsaka miangaly azy ity avokoa. Manana kali­tao ihany koa ny Slam poésie malagasy rehefa miakatra eo amin’ny sehatra iraisam-pirenena. Raha tsiahivina, laha­rana fahefatra no nisy an’i Madagasikara, nandritra ny fiadiana ny amboara maneran-tany farany teo. Mbola mandray anjara amin’ny fiadiana ny tompondaka maneran-tany ihany koa i Mada­gasikara, amin’ny alalan’i Konahy Junior. Fifaninanana izay atao any Togo, ny volana novambra 2024.

Lin

Nampahafantarina tetsy amin’ny Gare Soarano, ny alakamisy teo, ireo mpandraharaha mendrika sy nandrombaka ny amboara «Trophées du Jeune Entrepreneur (TJE)», andiany 2024, hetsika izay karakarain’ny BNI Madagas­car.
Miisa efatra ireo tanora mpandraharaha nandresy lahatra ny mpitsara. Norom­bahin-dRanaivozanany Randja, mpitantanana ny orinasa FOODMARK, toeram-pisakafoanana, ny TJE Croissance + raha voatondro ho Startup TJE kosa i Tsisatrana Landry, mpitantana sady tompon’ny orinasa Cycle Co. Tetikasa vaovao miompana amin’ny fanamboarana cyclopousse mandeha amin’ny herin’ny masoandro. Voatondro ho Coup de cœur TJE Croissan­ce+ Rabetsaroana Soamiada­na tamin’ny tetikasa fananganana vovonana (plateforme en ligne) handika an-tsary ireo lalàna velona ho azon’ny besinimaro. Nahazo ny Coup de cœur Startup TJE Rakoton­drai­nibe Hery Andrianina, tamin’ny alalan’ny tetikasa Équipe.mg. Ity farany izay tambajotra sosialy voalohany hampiroboroboana ny literatiora malagasy.

Tohana

20 taona nanohanana ny tanora mpandraharaha ny BNI Madagascar. Nahatratra 100 tapitrisa Ar ny fampidramam-bola tsy misy zana-bola ho an’ny TJE Croissance +, ary 50 tapitrisa Ar ho an’ny Startup TJE. Nanome tolotra Connexion internet 27Go mandritra ny enim-bolana ho an’ny Coup de cœur TJE Croissance+ ny Telma, sy Coaching iarahana amin’ny Nexta ary 27Go mandritra ny telo volana ho an’ny coup de cœur Startup TJE.

Henintsoa Hani