Mandeha ny fanamboarana tetezana any amin’ny lalam-pirenena faha-7, (PK 416+300), any Mahazengy Fianarantsoa. Nametrahana tetezamby vonjimaika any an-toerana, satria tapaka ny vahilava noho ny rivodoza Alvaro, ny janoary 2024 teo. Efa vita ny tetezana beton (dalot cadre), ka hoesorina amin’ny novambra ho avy izao ny tetezamby vonjimaika eo amboniny.
Misitraka ny « famatsian-jiro mora » ny any Matsiatra Ambony. Miisa 3 113 ny kaontera anjaran’i Fianarantsoa, ka efa voapetraka ny 485 amin’ireo any amin’ny fokontany miisa dimy, nanomboka ny 11 septambra teo. Marihina fa ireo tokantrano tena sahirana no misitraka ity « famatsian-jiro mora » ity, ka 30 000 Ar ihany no aloa.
Hisokatra ny 1 oktobra izao ny taom-pamarotana sy fanondranana lavanila voaomana. Manana sivy volana hatramin’ny 30 jona 2025 ireo mpandraharaha nahazo fankatoavana hanondrana lavanila voaomana ho an’ny taom-panondranana 2024-2025. Tsy maintsy manao fanambarana ny tahirina lavanila mialoha ny fikaton’ny taom-pamarotana sy fanondranana kosa ireo mpandraharaha.
Tsara toerana amin’ny resaka toekarena manga i Madagasikara ka antony nampiantranontsika ny Forum LMMA aty amin’ny ranomasimbe Indianina mandritra ny efatr’andro. Hifanakalo hevitra sy traikefa amintsika ireo firenena 9 mandray anjara amin’ny hetsika.

“Pays de vie, Région d’enfance ,Ville de cœur : Manakara au profond de soi”

Hiditra amin’ny lalao ma­nasa-dalana rahampitso, ny fiadiana ny tompondakan’i Madagasikara, 1ère division, taranja volley-ball. Hatao anio kosa ny lalao ampahefa-dalana, ho an’ny sokajy lehilahy, raha ny fandaharam-potoana. Raha ny voka-dalao nandritra ny lalao ampahefa-dalana omaly, anisan’ny tafakatra amin’ny manasa-dalana ny GNVB rehefa nandavo ny Bi’As tamin’ny seta 3 no ho 0 (25-15/25-15/26-24). Nanjakan’ny GNVB tanteraka ny lalao teo amin’ny roa tonta. Tafakatra amin’ny manasa-dalana koa ny MVBC rehefa nahazo fandresena nanoloana ny Mami, tamin’ny seta 3 no ho 0 (25-18/25-11/25-24). Nafana ny fifandonana teo amin’ny AMVB sy ASI tamin’ny ampahefa-dalana, omaly, ary tany amin’ny tie break vao afaka namaritra ny mpandresy, dia ny ASI izany. Seta 3 no ho 2 (25-18/25-22/17-25/20-25/9-15), araka izany, no nisarahan’ireto ekipa roa ireto. Lalao farany nitranga omaly, ny fihaonan’ny ECVB sy ny Squad ka nivoaka ho mpandresy ity farany, tamin’ny seta 3 no ho 0 (25-20/25-16/25-12).
Ho amin’ny anio, hifandona amin’ny ampahefa-dalana ny GNVB 1 sy ny ASSM, sokajy lehilahy, ny GNVB 2 sy ny ASI 2, ny Cosfa sy ASI 1 ary ny Mama sy ny Pole.

Mi.Raz

Hotanterahina ny 23 oktobra hatramin’ny 3 novambra ho avy izao ny fifaninanam-pirenena amin’ny taranja baolina kitra anaty efitrano, Futsal. Araka ny vaovao navoakan’ny Federasiona malagasin’ny baolina kitra (FMF), ny sokajy U13, U15, U17 ary ny zokiny Vétérans sy super Vétérans no handray anjara. Hifarana ny 15 oktobra ho avy io ny fisoratana anarana.
Notontosaina omaly, teny amin’ny Kianja Ambohidratrimo sy Elgeco plus, ny andro fahadimin’ny fiadiana ny ho tompondakan’i Madagasikara, taranja baolina kitra, diviziona faharoa, “World Cola Ligue des Champions”. Nahazo fandresena indray ny klioban’ny FC Avenir du Sud, ary azo antoka fa tafakatra any amin’ny diviziona voalohany “Pureplay Football League”. Mitana ny laharana voalohany izy ireo, manana isa 11.
Hanomboka anio hatramin’ny alahady ho avy izao, any Antsirabe, ny fiadiana ny ho tompondakan’i Madagasikara, taranja tsipy kanetibe, sokajy lahy sy vavy, ho an’ny olona telo miaraka. Tsiahivina fa hisolotena an’i Madagasikara any amin’ny fifanintsanan’ny Nosy, izay voalohany amin’izany. Omena lelavola 1 tapitrisa Ariary kosa izay mahazo ny laharana faharoa.
Nahazo fandresena tamin’ny fiadiana ny ho tompondakan’i Espagne “La Liga” indray ny ekipan’ny FC Barcelone, ny alarobia lasa teo. Resin’izy ireo tamin’ny isa 1 no ho 0, ny Getafe FC. Tsiahivina fa nandritra ny lalao enina nataon’ny FC Barcelone, tamin’ity fifanintsanana ity, nahita fandresena foana izy ireo. Ny 26 oktobra ho avy io, hifandona amin’ny Real Madrid izy ireo.

Tsy nitsanga-menatra i Madagasikara nandritra ny fifaninanana « Olympiades d’échecs », andiany faha-45, natao tany Budapest, ny 10 hatramin’ny 23 septambra teo, na dia tsy nahazo medaly aza. Atleta malagasy 3 mianadahy no nahazo anaram-boninahitra, taorian’ny fifaninanana. Ani­san’izany i Miora Ismael, izay nahazo ny “Candidat Maitre” (CM). Tao amin’ny sokajy “Open” no nifaninan’ity tompondakan’i Madagasikara, lalaon-tsaina échecs ity. Teo amin’ny laharana faha-105 tamin’ny mpandray anjara 188 no nisy an’i Madagasikara, teo amin’io sokajy “Open” io.
Ho an’ny sokajy vehivavy kosa, laharana faha-98 amin’ny mpandray anjara 169 no nisy an’i Madagasikara, izay tena nahitana fivoarana lehibe ho an’ny Malagasy mpanao échecs, vehivavy. Ankoatra izay, nahafahan’i Tsinjoviniavo Aina Mahasambatra sy Randriatsiferana Dimbiharentsoa Chris­tiana nahazo ny anaram-boninahitra “Woman Candidat Maitre” (WCM) izany fiakaran’ ny laharan’i Madagasikara izany. Tsiahivina fa atleta malagasy 9 mianadahy (5 lahy sy 4 vavy) no niatrika ity “Olympiades d’échecs” natao tany Budapest ity, ny herinandro lasa teo.

Mi.Raz

Hanomboka anio ny fifanintsanana iraisam-pirenena amin’ny taranja rugby lalaovin’olona 15, sokajy vehivavy, izay hatao any Dubaï. Ny ekipa nasionalin’i Espagne no hifandona amin’i Madagasikara.

Hotontosaina anio, ao amin’ny kianja Sevens Stadium Dubaï, ny fi­haonan’ny Makis Ladies de Madagasikara sy ny Las Leonas Espagne. Lalao izay tafiditra amin’ny fifaninanana iraisam-pirenena taranja rug­by, sokajy vehivavy, « WXV III », hatao manomboka anio hatramin’ny 12 oktobra, any Dubaï. Tsiahivina fa amin’ity ny Makis Ladies vao hifandona amin’ny ekipam-pirenena eoropeanina eo amin’ny baolina lavalava lalaovin’olona 15. Araka ny fikarohana natao, efa nanao lalao andrana tamin-dry zareo Springboks Afrika Atsimo, ny ekipam-pirenena espaniola. Lavon’ny Springboks, tamin’ny isa 36 no ho 19 ry zareo Las Leonas, ny 19 septambra lasa teo. Eo amin’ny laharana faha-13 maneran-tany izy ireo amin’ny filaharana navoakan’ny World Rugby. Ny 20 septambra teo kosa, nomontsanin’ny Liones­ses Kenya, 63 no ho 19 ny XV Makis Ladies, tany Kenya. Faha-25 kosa no misy ny Makis amin’ny filaharan’ny World Rugby. Raha ny vaovao voaray tany an-toerana, omaly, efa vonona tanteraka ireo Malagasy mpilalao rehetra ary hanome ny tsara indrindra avy amin’izy ireo mba hahazoana vokatra tsara tsy ho ampoizin’ny rehetra.
Aorian’ity lalao ity, hikatroka amin’i Hong Kong indray ny Makis Ladies, ny zoma 4 oktobra ho avy izao, raha toa ka ny 11 oktobra indray izy ireo no hanao ny lalao fahatelo, izay hifanandrinana amin’i Samoa.

Fitia Randria

Manodidina ny 150 000 taonina ny famokarana trondro eto Madagasikara. « Vo­ka­tra azo avy eny an-dranomasina sy an-dranomamy ary ny fiompiana izany », hoy ny tale jeneralin’ny minisiteran’ny Jono sy ny toekarena manga, Rakotosoa Rado, nandritra ny fanokafana ny Tsenaben’ny hazandrano andiany fahefatra, omaly, teny amin’ny Kian­ja Barea Mahamasina. Imasoana, hoy izy, ny fiompiana anatirano mba hampakarana ny tahan’ny fihinana trondro isam-batan’olona eto Madagasikara izay tsapa fa mbola ambany. Tanjona ny hahatonga izany ho 11 kilao isan’olona, isan-taona, raha mbola 7 kilao isan’olona, isan-taona, izany amin’izao fotoana. Misy ny paikady hataon’ny minisitera enti-manatanteraka ny vina apetraka hampakarana ny famokarana sy hanatrarana ny fanjarian-tsakafo ary ho loharanon-karena ho an’ny tokantrano. Eo ihany koa ny fampiofana omena hampiroboroboana ny lalam-pihariana sy hampirisihana ny olona hisehatra ao anatin’ny jono.
Marihina fa haharitra efatr’andro ny Tsenaben’ny ha­zandrano andiany fahefatra. Lohahevitra tamin’ity taona ity ny « Hazandrano antoky ny fahaleovan-tena ara-tsakafo eto Madagasikara ». Mahe­rin’ny 100 ireo tranoheva mampiranty sy mampahafantatra ny vokatra ataony eny an-toerana.

Henintsoa H.

La candidature de Harilala Ramanantsoa, l’actuelle Présidente de la délégation spéciale d’Antananarivo (PDS), aux élections communales à Antananarivo, sous la bannière de l’Irmar, ne relève plus de la spéculation. Son dossier a été déposé hier auprès de l’Ovec à Nanisana.

C’est prévisible juste après sa nomination en tant que Présidente de la délégation spéciale d’Antananarivo. A ce mo­ment-là, Harilala Ramanan­tsoa a déjà été une candidate qui ne dit pas encore son nom et n’attend plus que le moment venu pour se déclarer non pas sur les réseaux sociaux, mais auprès même de l’Ovec.
Depuis sa prise de fonction, Harilala Ramanantsoa a été pressentie pour être la candidate de la plateforme présidentielle. Sa nomination à la tête de la Capitale, n’est pas le fruit du hasard. Des noms ont quand-même circulé en coulisses, sans pour autant faire l’unanimité malgré qu’ils soient tous des politiciens chevronnés.
L’Irmar a ainsi porté son choix sur une femme d’affaires et engagée qui n’est pas membre de la plateforme. D’ailleurs, cette dernière a déjà indiqué qu’elle reste ouverte à toute collaboration même si le candidat ou la candidate ne porte pas d’étiquette politique. Sous cet angle, autant dire que la candidature de Harilala Rama­nantsoa ne souffre d’aucune contestation. Et le fait de se présenter sous les couleurs de l’Irmar, en dit long sur sa détermination à redorer le blason de la ville des Mille.

6 autres candidats en lice
Comme il fallait s’y attendre, la majorité des candidats ont attendu le dernier jour de dépôt des dossiers d’hier, pour se bousculer au portillon. Après plusieurs semaines de tergiversations, le Tim s’est finalement résigné à désigner un candidat de remplacement de Marc Ravalomanana, qui n’est autre que son fils, Tojo Ravalomanana. La carte joker de l’ancien président qui ne semble pas être un candidat de consensus de l’opposition, sous cet angle.
Autre candidat ayant également déposé son dossier hier à l’Ovec Isotry sous la bannière du Mouvement Gasikara, Gascar Fenosoa, fraîchement élu député dans le 3e arrondissement d’Anta­nanarivo, ambitionne rapidement de gravir les échelons politiques en se présentant aux élections communales. Et Comme il l’a déjà indiqué auparavant, sa plateforme présentera des candidats à la mairie dans tout le pays. Ainsi, 279 candidatures au nom du Mouve­ment Gasikara ont été enregistrées auprès des Ovecs répartis dans tout le pays.
D’autres candidatures ont également créé la surprise, en la personne de Tahina Razafinjoelina, candidat à l’élection présidentielle de 2023 et non moins ancien directeur de campagne de Marc Ravalomanana.
Un candidat inattendu, à l’image de l’ancien Premier ministre de la Transition, Monja Roindefo a également déposé son dossier, pour briguer la mairie de la capitale hier, non pas au nom de son parti mais en tant qu’indépendant. Il en est de même pour le candidat soutenu par la conseillère municipale Lalatiana Ravololomanana en la personne de Ndriana Razanamasy. A rappeler que l’ancien ministre de l’Ele­vage et également candidat aux présidentielles de 2013 et 2018, Joseph Martin Ran­dria­mampionona dit Dada­fara a déjà déposé sa candidature, mercredi.

Rinah Rakotomanga
Pour sa part, l’ancienne conseillère de la Présidence, Rinah Rakotomanga a finalement décidé de faire marche arrière. Pour des raisons de santé, elle se voit alors obligée de se retirer de la course bien qu’elle en ait déjà fait l’annonce de sa candidature quelques semaines auparavant.
« Je mentirais à la population si je me présentais alors que je ne serais même pas là durant la campagne électorale », a-t-elle annoncé hier à Isotry en marge de son rendez-vous avec les membres de l’Ovec. « Je suis venue ici pour faire part de ma décision et témoigner mon respect aux membres de l’Ovec qui m’ont déjà donné un rendez-vous », a-t-elle expliqué. Tous les candidats attendent alors la publication officielle de leurs candidatures.

T.N

L’attirance de la destination aux souvenirs d’hier, au dynamique d’aujourd’hui et à la préparation de demain”

Nisitraka fotodrafitrasa moderina hianaran’ny zanany ny mponina ao amin’ny fokontany Amboniavaratra, kaominina Ampanotokana, distrikan’i Mahitsy. Triatra sady simba nandritra ny taona maromaro, tsy afaka nampiasa ireo efitrano fianarana ireo intsony ny mpianatra tao an-toerana. Na­noloana io, nandray an-tanana ny fanarenena ny sekoly ta­min’ny lafiny rehetra, ny orinasa Tozzi Green. Nohavoazina avokoa ny efitrano rehetra mandrafitra ny toeram-pianarana. Tsy vitan’izay, nisitraka latabatra, hatramin’ny kitapo entina mandranto fianarana ireo kilonga mianatra eo anivon’ity EPP ao Ambonia­varatra ity. Nankasitraka ma­nokana ny ezaka ataon’ny vondrona Tozzi Green ny solontenan’ny ray aman-drenin’ny mpianatra ao an-toerana. Voavaly rahateo koa ny fangatahan’izy ireo amin’ny fanamboarana hatry ny ela io sekoly io. Tsihiavina, nanavao ny lalam-bahoaka mirefy 11 km mahery miala ao Mahitsy mampifandray ireo tanàna anatin’ny kaominina Ampano­tokana ity orinasa ity. Mandray anjara mivantana amin’ny alalan’ny famatsiana ara-tsakafo ireo mpianatra amin’ny alalan’ ny «cantine scolaire» sy sehatra hafa koa izy ireo.

Tsiferana R.

Fotoana mampiray ireo mpankafy fiara ny «Salon de l’auto» 2024. Hiavaka tanteraka ny andiany faha-14 amin’ity taona ity. Hisy ny lalao «Tombola SMS» hahazoana fiara vaovao, moto, finday avo lenta avy amin’ny Telma Madagascar ary loka maro samihafa avy amin’ireo mpanohana ny «Salon de l’auto». Marihina fa natokana ho an’ny mpanjifa Telma Madagascar ny lalao ka tsy voafetra ny fandraisana anjara ho an’ny tsirairay. Atao ny 13 oktobra kosa ny fisarihana izay tsara vintana. «Toy ny tamin’ny taon-dasa, hanolotra karazana fiara vaovao avokoa ireo mpikambana ao amin’ny Vondron’ny mpandraharaha mpanafatra fiara eto Mada­ga­sikara (GCAM) ka afaka misafidy izay tiany ilay tsara vintana», hoy ny mpikararaka ny hetsika sy ny mpiara-mio­mbon’antoka amin’ny Telma Madagascar, Raharimanjato Eli Malala, omaly, tetsy Andranobevava.
Ankoatra izay, hampiranty sy hanolotra ireo fiara vaovao sy hiaka farany ny GCAM. Ho hita mandritra ny hetsika ihany koa ny fiaingan’ny «Grand Ral­lye International de Mada­gascar», ny zoma 11 oktobra. «Zava-baovao amin’ity andiany faha-14 ny fampisehoana ny fiara mandeha amin’ny herinaratra (hybride) ho fitsinjovana sy fiarovana ny tontolo iainana» hoy ny sekretera jeneralin’ny GCAM, Ramaro­son Rado.
Tsiahivina fa hotanterahana ny 10-13 oktobra eny amin’ ny CCI Ivato ny Salon de l’auto 2024. Lohahevitra amin’ity taona ity ny hoe «fahafahana mihetsika sady maharitra» (Mobilité et Durabilité).

Henintsoa Hani

Hotanterahina ny 23 oktobra ka hatramin’ny 3 novambra ho avy izao, ny fifaninanam-pirenena amin’ ny baolina kitra lalaovina anaty efitrano «futsal». Fifaninanana karakarain’ny Federasiona malagasin’ny baolina kitra (FMF). Hisy sokajy dimy izany fiadiana ny ho tompondakan’i Madagasikara izany, ny U13 ; U15 ; U17 ary ny «véteran» mihoatra ny 35 taona sy ny mihoatra ny 45 taona.

Hiditra amin’ny andro faharoa anio ny
fiadiana ny ho tompondakan’i Madagasikara, taranja baolina kitra «world cola ligue des champions» na ny D2 National. Eny amin’ny kianja Ambohidratrimo no hifampitana ny FC Theo sy ny AS Fosa. Hifampitana, etsy amin’ny kianja Elgeco Plus Stadium kosa ny FCA Ilakaka sy ny FC Avenir du Sud. Mety efa ho fantatra eo izay hisalotra ny anaram-boninahitra.

Hitohy ny sabotsy 28 sy ny alahady 29
septambra izao, ny fifaninanana “Fety de Baskety e!”. Lalao 29 no hatao mandritra io roa andro io ary kianja 3 no handray ireo lalao ireo, toy ny efa mahazatra: Andraisoro, CEG Nanisana ary Fokontany Amboditsiry.

Hatao ny 1 novambra izao, ao amin’ny Kianja mitafon’i Mahamasina, ny fifaninanana “Combat International”, ahitana taranja 3 (K1, Jiu-Jitsu, pancrace). Fifaninanana karakarain’ny klioban’ny Guerreros Team, taranja JJB.

Tanterahina ny 26 sy 27 septambra, ao Antsirabe, ny fankalazana ny Andro maneran-tany ho an’ny fizahantany. « Tanàna milamina sy mahafinaritra ary manaraka ny fenitry ny fandriampahalemana An­tsirabe, antony hanaovana ny hetsika any an-toerana » hoy ny minisitry ny Fizahantany sy ny asa tanana, Viviane Dewa, omaly, teny Tsimbazaza. Ambohi-pihaonan’ny mpisehatra rehetra amin’ny fizahantany io fotoana io ka handinihina manokana ny momba io sehatrasa io amin’ny ankapobeny ny andro voalohany. Hisy ny hetsika isan-karazany hanamarihina ny roa andro hanaovana ny hetsika.
Lohahevitra nosafidin’ny Firenena mikambana misahana ny fizahantany tamin’ity taona ity ny « Fizahantany sy fandriampahalemana ». Tan­jona, araka izany, ny « hanamafisana ny fifandraisana eo amin’ny samy mpisehatra, hampiroborobo ny tanànan’ Antsirabe ho toeram-pizahantany malaza ary hankalazana ny fandriampahalemana amin’ny alalan’ny fizahantany », hoy hatrany ny minisitra.

Vina

Hatao mandritra ny hetsika ihany koa ny fanaovan-tsonia fiaraha-miasan’ny ministera sy ny Tahiry famatsiam-bola malagasy ho fampiofanana ny mpiasa (FMFP) amin’ny hanomezana fampiofanana maimaimpoana ireo mpisehatra amin’ny fizahantany sy ireo mpanao asa tànana manerana ny Nosy. Ho jerena koa ny hamerenana ny sidina mampitohy an’i La Réunion sy ny faritra Atsimo.

Henintsoa Hani

Tonga eto Madagasikara ny iraka mpanara-mason’ny Banky iraisam-pirenena hijery akaiky ny fandrosoan’ny asa, ny fitantanana ny volan’ny tetikasa fanaovan-dalana eto amintsika. Miisa telo ny tetikasa lehibe vatsiany vola, ny fanaovan-dalana (PDDR, PCMCI ary ny Pact). Voakasik’ireo ny lalam-pirenena RN10, RN5, RN4, RN12A, sns.

Miisa 23 795 ireo mpizahatany tonga teto Madagasikara nandritra ny volana aogositra teo. Niakatra ireo atontanisa ireo raha oharina ny tamin’ny taon-dasa, izay 23 288, saingy mbola ambany noho ny tamin’ny taona 2019 izay tafakatra hatrany amin’ny 27 079. Na izany, mahavelombolo sy manomboka miarina ny sehatry ny fizahantany eto amintsika.

Vita ny fankatoavana ny volavolam-penitra momba ny lavanila malagasy. Ho dinihina ihany koa ny famolavolana ny Drafi-pitsipika teknika hampiharina amin’ny taom-panondranana ny vokatra amin’ny taona ho avy. Nandray anjara tamin’ny dinika ireo mpandraharaha sy mpisehatra samihafa ary manampahaizana momba ny lavanila.

Nankatoavina ny 20 septambra teo, ny Drafi-panajariana ny faritra arovana (PAG) miisa 4, tantanin’ny Madagascar National Parks, mandritra ny 5 taona (2025-2029). Voakasik’izany ny « Montagne d’Ambre », Ankarana, Lokobe ary ny Nosy Tanihely, samy faritra Diana, tohanan’ny tetikasa Kobaby.

Misehatra amin’ny fiompiana ombivavy be ronono ny kaoperativa Fimiviat Aina, any Talata Volonondry, distrika Avaradrano. Nahazo ombivavy miisa 2 miampy masomboly hambolena vilona izy ireo, taorian’ny fangatahana tamin’ny Tahirimbola fampandrosoana ny famokarana (FDA) tamin’ny taona 2023. Tsy nitsahatra nivoatra sy nitombo ny fahalalan’ny mpikambana. Anisan’izany ny fiofanana fanodinam-bokatra avy amin’ny ronono sy ny fitantanana. Nentina nanangana toeram-pivarotana eto an-dRenivohitra, eny Manjakaray, ny tombony avy amin’ny varotra ronono. Anisan’ny vokarin’ny Fimiviat Aina, ny yaourt, ny fromazy, ny « milk shake », ny dibera, sns.
Nihatsara hatrany ny fiharian’ny kaoperativa sy ny fari-piainan’ny mpikambana, ankehitriny. Nahavita nandray anjara nandritra ny Foaran’ny famokarana ho an’ny fambolena sy ny fiompiana ary ny jono (FIA), ny 12 hatramin’ny 15 septambra teo, teny amin’ny Forello Tanjombato ity kaoperativa ity ary maro ny nitsidika sy nanjifa ny vokatra.

Njaka A.

Mitohy ny fanavaozana ny fomba fiasa ao amin’ny fitantanana ny fadintseranana. Eo ny fanatsarana ny ao anatiny, ary miditra amin’ny fifandraisana amin’ireo mpisehatra indray izao.

Atao eto Antananarivo, ny 24, 25 ary ny 26 septambra izao, ny atrikasa fakan-kevitra rehetra, amin’ireo mpandraharaha sy ny rafi-panjakana voakasiky ny varotra ivelany. Fotoana entina hanangonana ny soso-kevitry ny tsirairay, ahafahana mandrafitra ny Drafitrasa stratejika ho an’ny dimy taona manaraka (2025-2029). Nambaran’ny tale jeneraly (DG) ny ladoany malagasy, Zafivanona Lain­kana Ernest, omaly, fa fanohizana ny ezaka fanatsarana ny fomba fiasa sy ny fitantanana natomboka ny taona 2019 (Drafitrasa 2019-2024) izao atao izao. Toy ny fanavaozana ny fotodrafitrasa, ny rafitra, ny fitaovana, ny mpiasa, … Rehefa vita ny fanatsarana anatiny, dingana manaraka ny fifandraisana amin’ny hafa sy ireo manan-draharaha amin’ny fadintseranana. Ao anatin’izany ny fanamorana sy ny fanafainganana ny fikarakarana ny entan’ny mpanjifa. Noraisiny, ohatra, ny any Ja­pon, firenena anisan’ny ma­tanjaka ara-toekarena, maharitra 2 ora sy 10 mn ny salanisa hikarakarana ny entan’ny mpandraharaha. Efa mandeha ny fanafainganana, ka raha tanjontsika ny ho 3 ora ny salanisan’ny fikarakarana, raha 6 ora ny enim-bolana 2024 teo ary andro vitsivitsy tamin’ny 2018.

Mihena ny masonkarena

Nambaran’ny filohan’ny Vondrona mpandraharaha tranzitera eto Madagasikara (GOPTM), Andriaman­dimbi­soa David, fa zava-dehibe ity fivoriana ity satria sambany no isian’izany fihaonana fakan-kevitra mivantana toy izao izany. Anisan’ny tombontsoa azon’izy ireo ny fihenan’ny fandaniana na ny masonkarena satria mihena ny fotoana lany. Andrasan’izy ireo kosa ny hampidinana ny saran’ny haba famoahan’entana satria mbola tena lafo ny eto Madagasikara. Hitohy any Toamasina ity fakan-kevitra ity ary hivoaka mialoha ny faran’ny taona 2024 ny Drafitrasa stratejika ho an’ny taona 2025-2029.

Njaka Andriantefiarinesy

Tsy hisy tranga miavaka hanova ny firafitry ny toetry ny andro eto Madagasikara, amin’ity herinandro ity. Hitsoka malefaka ny varatraza manomboka anio. Ho maina ny andro amin’ny ankapobeny saika manerana ny Nosy. Tombanana hatrany ny orana ho an’ny morontsiraka avaratra atsinanana, ny maraina. Hisy fiakarana ny maripana, hanodidina ny 7- 25°C ny maripana ny maraina, eo anelanelan’ny 24 – 39°C kosa ny tolakandro.
Mikarakara fifampizarana momba ny herisetra an-tsekoly sy ny tranga mifandraika amin’izay ny fikambanana psy-kôzy Madagascar sy Stop Harcèlement Scolaire à Madagascarscar, ny sabotsy ho avy izao. Maimaimpoana ny fisoratana anarana amin’ny alalan’ny rohy : https://forms.gle/coSvnL3qcKchmDqAA, holazaina manaraka ny toerana hanatanterahana ny hetsika ho an’ireo liana.
Mitohy ny asa fanentanana sy fampahafantarana momba ny autisme. Hisorohana ireo trangana fanilikilihana sy fanavakavahana, nampahafantatra ny autisme tao amin’ny EPP Mahazoarivo I ireo mpikamban’ny autsime Madagascar, rantsana Vakinankaratra, nandritra ny fanombohan’ny taom-pianarana. Ankoatra izay, nanolotra fampitaovana ho an’ireo kilasy roa mandray ankizy manana fahasamihafana koa ireo mpikambana mandrafitra ny birao.
Handray ny vatsim-pianarana volana fahefatra hatramin’ny fahenina (telo volana) ny mpianatra ao amin’ny Oniversiten’i Mahajanga, manomboka rahampitso hatramin’ny zoma. Voakasika avokoa ny sokajy sy ny lalam-piofanana rehetra, araka ny fanambaran’ny minisiteran’ny Fampianarana teknika.