Navoakan’ny Federasiona malagasin’ny basikety tao amin’ny pejiny facebook, omaly, ny lisitr’ireo mpilalao hitiliana izay hiatrika ny fihodinana faharoa amin’ny fifanintsanana ho an’ny « Afrobasket 2025 », sokajy lehilahy.

18 mirahalahy izy ireo no tafiditra ao ana­tin’izany. Mpilalao milaravinahitra 6 no tazana ao anaty lisitra, ahitana an’i Mathias M’Madi, Lahotan Rija, Razanamahenina Kiady, Randriamananjara Johan Andy, Rabibisoa Jerry Pépin ary Raharimanantoanina Si­traka. Tsy tafiditra anaty lisitra kosa Rakotonanahary Dono­van sy Andriatsarafara Lova ary i Mika Heritiana izay tsy nahazoana fanampim-panazavana ny antony tsy nian­tsoana azy ireo.
Ho an’ireo mpilalao eto an-toerana kosa, misy mpilalao vaovao maromaro nantsoina, anisan’izany Ravelojaona Tanjona, Rasolonandrianina Hasina, Arimanana Kanto Damie ary Maminirina Julio. Anisan’ny mpilalao nisonga­dina tamin’ny fifaninanana nasionaly izy ireo raha ny fanazavana azo ka izay no antony nahatafiditra azy ireo anaty lisitra. Ankoatra izay, mpilalao efa teo foana ary mbola handrafitra ny ekipa nasionaly amin’ity fifaninanana ity, Ratianarivo Livio, Ra­kotovao Marco, Randriamam­pionona Elly, Tsialefitra Jino, Faralahy Monja Romain, So­londrainy Arnol, Rasoloma­nana Anthony ary Rakoto­nirina Fiary Johnson. Ra­vonimbola Jeannot sy Rako­tonanahary Ndranto kosa ny mpanazatra hiaraka amin’izy 18 mirahalahy ireo.
Mahakasika ny fanomanantena, efa manomboka ny ho an’ireo mpilalao avy eto an-toerana mandra-piandry ireo mpilaravinahitra. Etsy amin’ny Lapan’ny fanatanjahantena izy ireo no mikotrana, araka ny angom-baovao voaray.

Mi.Raz

Tadindonin-doza vokatry ny fiakaran’ny rano tafahoatra, voatery nafindra toerana azo antoka ny sokatra miisa 12 000 ao amin’ny faritra Atsimo Andrefana, afakomaly. Ravan’ny rano tanteraka ny toeram-ponenan’izy ireo izay sahanin’ny « Turtel Survival Alliance na ny TSA”. Manoloana io ambana io, nandray fepetra ity vondrona tsy miankina misehatra amin’ny fiarovana ny sokatra tsy ho lany tamingana ity. Niara-nisalahy ny mpisehatra rehetra anatin’io vondrona io namindra ireo sokatra rehetra voakasiky ny fiakaran’ny rano. Azo antoka ny hiveloman’ireo biby ireo taorian’ny famindrana azy. Na izany aza, miantso ny malala-tanana, hifanampy amin’ny fikarakarana ireo karazam-biby ahina ho lany tamingana ireo ny tomponandraikitra any an-toerana. Haverina amin’ny laonina afaka fotoana fohy kosa, ny ivontoerana fonenan’ireo sokatra ireo rehefa miverina amin’ny laoniny ka tsy misy fiakaran’ny rano intsony. Tsiahivina, harem-boajanahary anisan’ny mampiavaka an’i Madagasikara raha ny sokatra.

Tsiferana R.

Nanokana fotoana ahafahan’ny rehetra mahafantatra bebe kokoa mahakasika ny homamiadan’ny nono sy ny vozon’ny tranon-jaza ny Fondation Akbaraly Madagascar, ny 24 janoary izao, eny amin’ny Pavillon Ste Fleur.
Fihaonana mivantana amin’ny dokotera sy ny rasazy, hiresahana ireo aretina mateti-pitranga amin’ny vehivavy izy ity. Manampy izany koa ny tsara ho fantatra amin’ny fisorohana sy ny fiarovan-tena amin’ny aretina.
Ny 31 janoary kosa no handraisana ireo rehetra maniry ny hanao fitiliana ny homamiadan’ny nono sy ny vozon’ny tranon-jaza eny an-toerana. Efa misokatra ny fisoratana anarana mialoha ho an’ireo maniry izany.
Ny homamiadan’ny vozon’ny tranon-jaza sy ny nono dia azo sitranina tsara raha voatily mialoha. Ny vehivavy rehetra izay nanao firaisana ara-nofo, eo anelanelan’ny 18 ka hatramin’ny 25 taona dia tokony manao fitiliana indray mandeha.
Ny Fondation Akbaraly Madagascar sy ny Pavillon Sainte Fleur dia miezaka hatrany manao izany fitiliana izany amin’ny sarany takatry ny rehetra.

Tatiana A

Famerenana, fanamafisana… “Aoka hajanona ary tsy hanana toerana eto Madagasikara intsony ny kajikajy sy adilahy politika ary ny fitiavan-tena ho amin’ny tombontsoa manokana”. Io indray no nambaran’ny minisitry ny Serasera sy ny kolontsaina sady mpitondra tenin’ny go­ver­ne­manta, Mara Volami­ranty Donna, tao amn’ny hai­no aman-jerim-panjakana, omaly, manoloana ny fihetsiky ny mpanohitra sasany eo am-piandrasana ny vokatra ofisialin’ny fifidianana ben’ny Ta­nàna sy mpanolotsaina. Miz­otra mankany amin’ny fampandrosoana an’i Madaga­sikara ny Malagasy. Mijoro ny governemanta iray manontolo amin’ny fametrahana sy fampanjakana ny fanjakana tan-dalàna eto Madagasikara ary mitandro ny filaminana ahazoana miroso mankany amin’ny fampandrosoana.

Miaro sy saro-piaro amin’ny safidin’ny vahoaka malagasy koa ny governemanta iray manontolo. Malagasy tomponandraikitra sy mijoro ary vonona hampandroso an’i Madagasikara tamin’ny alalan’ny fifidianana. Koa mijoro amin’ny fiarovana izany ny fitondram-panjakana. Tsy ha­nana toerana eto Mada­gasikara ny fanakorontanana.
Ao anatin’ny fotoana hamoahana tsy ho ela ny vokatra ofisialy tamin’ny fifidianana ben’ny Tanàna sy mpanolotsain’ny Tanàna isika izao. Na ny kabary amin’ny alalan’ny kolontsaina sy ny serasera ary ny fantsona fampitana rehetra no anehoana izay soatoavina ho amin’ny fitoniana izay. Mba hahazoana mandroso sy mampandroso ny firenena…

R. Nd.

 Miisa 48 isan-kerinandro ny zotra amin’ny fiaramanidina eny amin’ny seranam-piaramanidina Ivato. Miisa 19 kosa ny any Nosy Be, ka ao anatin’ireo ny zotra iraisam-pirenena sy ny eto an-toerana. Niampy roa kosa ny fiaramanidina ho ampiasain’ny kaompania Madagascar Airways. Tanjona ny hanampiana ny efa eo am-pelatanana hanatsarana ny zotra anatiny, satria tsy maharaka ny fitaterana ny mpandeha eto an-toerana sy ny vahiny avy any ivelany.

 Miisa 195 000 ny tokantrano hampidirana herinaratra, ao anatin’ny tetikasa « Branchement mora ». Mahatratra 94 000 ny kaonteran-jiro efa tonga eto Madagasikara, ka efa voapetaka tamin’ny taona 2024 ny 63 000. Eo am-pamoahana any amin’ny seranan’i Toamasina ny 11 000 ambiny. Tsiahivina fa misitraka ny tetikasa « Branchement mora » ny tokantrano tena sahirana eto amintsika.

 Hatao ny fampitahana ny tolobidy voaray, mahakasika ny fanatanterahana ny tetikasa vatsian’ny Tahirim-bola nampindramin’ny Federasionin’i Rosia. Anisan’ny hampiasaina amin’ity fampindramam-bola ity ny fividianana fitaovana fanadiovana, ny fitaovam-pamokarana sy fananganana fitahirizam-bokatra hanatsarana ny fambolena. Eo koa ny fitaovana amin’ny fitaterana an-dalamby sy ho an’ny asa vaventy, toy ny tetezamby, ohatra.

Nahitana tsy fahatomombanana ny toby fandanjana fiarabe any Antsarakofafa Toamasina, satria mando lava ny toerana ka mila fitaovana fanampiny. Eo am-panatanterahana ny tolobidy hividianana izany fitaovana izany, ankehitriny, tohanan’ny Banky iraisam-pirenena (tetikasa PDDR) sy ny Tahirim-bola ho an’ny lalana (FR). Misy koa ny drafitry ny minisiteran’ny Asa vaventy (MTP) hanarenana sy hampandehanana indray ny toby hafa. Efa nisokatra nanomboka ny avrily 2024 fa naato, ary hiverina hiasa ny any Antsarakofafa, amin’ny 23 janoary 2025, amin’ny 30 janoary ny eny Ambohimalaza, ho an’ny lalam-pirenena faha-2.
Hisokatra amin’ny 10 febroary ny any Maevatanàna, ny 15 febroary ny any Ambondromamy ho an’ny RN4. Hafindra toerana ny any Ambatolampy (RN7), noho ny antony ara-teknika. Efa am-perinasa nanomboka ny taona 2024 ny any Ambondrolava (Belalanda) ho an’ny RN9 mampitohy an’i Toliara sy Manja.

Njaka A.

Adidy tsy maintsy ataon’ny mpiasam-panjakana ambony ny manao fanambaram-pananana eny amin’ny Birao mahaleo tena miady amin’ny kolikoly (Bianco), efa nanomboka ny taona 2024. Tafa­petraka omaly, ny Vovonana niomerika hikirakirana ny antontam-baovao, raha natao tanana ny fikirakirana azy hatramin’izay. Nahatratra 77 274 ny fanambaram-pananana voarain’ny Bianco nanomboka ny taona 2004, nataon’ny olona miisa 12 290. Nilaza ny tale jeneraly (DG) ny Bianco, Razakamanantsoa Ga­by Nestor, fa “fitaovana niomerika hitahirizana ny fanambaram-pananana sy ny tombontsoa ara-toekarena tsy maintsy ataon’ny mpiasam-panjakana ambony ity fitaovana ity. Sazy enim-bolana hatramin’ny 5 taona, miampy lamandy 50 hatramin’ny 200 tapitrisa Ar no miandry izay tsy manao fanambaram-pananana”. Ao anatin’ny tetikasa Pregodi, vatsian’ny Banky afrikana ho an’ny fampandrosoana (Bad) vola izao dingana izao. Miara-miasa amin’ny minisiteran’ny Toekarena sy ny fitantanam-bola (MEF) sy ny minisitera misahana ny Fampiroboroboana ny haitao ara-kajy mirindra, ny paositra sy ny fifandraisan-davitra (MNDPT).

“Tetikasa entina mikirakira sy mamantatra ny fivoaran’ny fananana izay voarain’ny Bianco ary hahamora ny fanadihadiana ity fitaovana ity”, hoy Ramanampanoharana Andry, Sekretera jeneralin’ny MEF, sady filohan’ny Komity mpitarika ny tetikasa Pregodi.

Henintsoa Hani

Natao omaly ny famaranana ny fotoam-pitsarana 2024 sy ny fanombohana ny taom-pitsarana 2025. Misy ny ezaka atao amin’ny ady amin’ny kolikoly sy ny tsindry isan-karazany.

“Aleo mba hiala ny fi­tsabatsabahan’ny havana sy ny manam­­pahefana sasany, fa tsy ny rehetra, amin’ny raharaham-pitsarana”, hoy ny filoha voalohan’ny fitsarana tampony, Rajoelina Yves Hugues, teny Anosy, omaly, taorian’ny lanonana famaranana ny fotoam-pitsarana 2024 sy ny fanombohana ny taom-pitsarana 2025. Ezaka atao amin’izao ny ady amin’ny kolikoly, araka ny fanambin’ny minisitry ny Fitsa­rana. Eo koa ny ady amin’ny tsindry. Hisarihana ny mpitsara rehetra hanao ezaka amin’ny fanovana toetra sy toe-tsaina amin’ny fiadiana amin’izay kolikoly sy tsindry izay. Efa misy ny fanenjehana mpitsara sasany amin’ny ady amin’ny kolikoly.

Fantatra tamin’ny tatitry ny asa taona 2024 kosa, tamin’ny lanom-pitsarana, fa 59% ny tahan’ny voafonja vita fitsa­rana raha oharina amin’ireo miandry fitsarana. Ambony izany mitaha tamin’ny taona 2023 izay 52%. Nahitana trangana halatra sy fikasana hangalatra 203 ary antontan-taratasy 821 niditra tao amin’ny fampanoavan’ny fitsarana ambaratonga voalohany (TPI), Antananarivo, ohatra, nandritra ny novambra sy desambra. Nefa tamin’ny taona 2024, nandritra ny volana novambra sy desambra, nahitana trangana halatra sy fikasana hangalatra 415 ary antontan-taratasy niditra 1 526. Nitombo efa ho avo roa heny ny fanaovana heloka. Nitombo, araka izany koa, ny olona naiditra am-ponja. Izay no antony fiakaran’ny tahan’ny voafonja mbola tsy voatsara tamin’ny faran’ny taona. Miisa 710 kosa ny mpi­tsara misehatra eny anivon’ny fitsarana isan-tsokajiny. 296 ho an’ny TPI rehetra. 64 187 kosa ny antontan-taratasy niasana teo amin’ireo fitsarana ireo nandritra ny taona 2024. Raha atao ny salanisa, mandray antontan-taratasy 334 avy ireo mpitsara. Tafahitsoka ihany indraindray ny asa noho izay olana izay, ohatra. Mari­hina fa natao omaly koa ny fianianan’ireo solontenan’ny Antenimierampirenena eo anivon’ny Fitsarana tampony.

R. Nd.

Nifamely totohondry ny mpandeha iray sy ny reseveran’ny taxi-be 172, omaly maraina teo Tanjombato. Vola 100Ar no fototry ny olana satria tsy ampy an’io 100Ar io ny saran-dalan’ilay raim-pianakaviana. Nilaza izy fa eny Ankadimbahoaka no miala ka 500Ar ihany no nomeny, saingy tsy nanaiky io saran-dalana io ilay resevera. Vokany, vaky ny vavan’ilay resevera.
Hita faty tao anaty rano ny lehilahy iray mpitsena omby tao Mananara Avaratra, omaly. Mpanjono hanao ny asany no nahatsikaritra ny fisiana vatana mangatsika tao anatin’ny rano ka nampiakatra izany.
Zazamenavava narian-dreniny avotra soa aman-tsara teny Ambatomirahavavy, ny talata 14 janoary teo. Feon-jaza nitomany tao anaty lavapiringa no ren’ny manodidina. Nalain’izy ireo ilay zaza ka velonaina. Karohina kosa ilay renim-pianakaviana nanao izao fihetsika feno habibiana izao.
Hiakatra fampanoavana, anio, ireo roa lahy voarohirohy ho tompon’antoka tamin’ny fanaovana solika hosoka tao Toamasina. Mitohy ny fikarohan’ny zandary ny naman”ireo roa lahy mpanampoka solika tao amin’ny RN5 ireo. Amidin’ireo tsy mataho-tody 3 000 Ar hatramin’ny 4 000 Ar ny litatra an’ny solika voatampoka.

Raim-pianakaviana manodidina ny 70 taona namoy ny ainy latsaka tao anaty hantsana niaraka tamin’ ny bisikileta, tao Ambohimarina, fokontany Ambohipihaonana, kaominina Tamponala, distrikan’i Soavinandriana, omaly. Nivoy kodiarandroa. Nilatsaka tampoka tamin’ny toerana nisy hantsana nirefy 7 metatra teo ho eo anefa izy. Niaraka nilatsaka taminy ny bisikileta teny aminy. Vokany, nidaraboka tamin’ny tany tsy nahetsika intsony io lahiantitra io. Nikoropaka nitazana azy avy eny ambony ny manodidina saingy tsy nisy sahy nanatona noho ny tahotra. Nojeren’ny tomponandraikitra sy ny mpitsabo, voamarina fa namoy ny ainy tanteraka io olona io. Tsy nisy azo natao intsony ny momba azy. Voadona mafy teo amin’ny faritry ny lohany niampy ny voina tampoka nahazo azy io raim-pianakaviana io ka niteraka ny famoizany aina. Niezaka namantatra azy ny mponina manodidina saingy tsy fanta-pihaviana io niharan-doza io. Nandray fepetra ka nametraka fambara loza manoloana ny fisian’ilay hantsana nitera-doza ny tomponandraikitra ao an-toerana. Marihina, matetika hitrangan’ny loza tsy nahy ateraky ny tandrevaka sy tsy fitandremana ny vanin-potoana fahavaratra toy izao. Mila mailo ny tsirairay raha toa ka manakaiky toerana ahina ho mora mihotsaka na misy hantsana.

Tsiferana R.

Maty vokatry ny herisetra nataom-badiny azy ny renim-pianakaviana iray tao amin’ny fokontany Analabe, kaominina ambanivohitr’i Maromitety, dis­trikan’i Vavatenina, ny 15 janoary 2025 teo. Nahazo antso ny zandary ao amin’ny tobim-paritra Vavatenina mo­mba ny fisiana vonoan’olona niniana natao tao amin’io fokontany io. Nidina haingana teny an-toerana ny zandary nanao ny fitsirihana ka voamarina tokoa ny fisian’io vonoan’olona feno habibiana io. Marihina fa miala 40 km ny renivohitry ny distrika io toerana io, izany hoe, ora efatra raha mandeha moto. Any amin’ny fizaram-paritra manaraka ny distrikan’i Fenoarivo Atsinanana sy Vavatenina. Tao anatin’ny angom-baovao tao an-tanàna no nahafantaran’ny zandary fa nanana olana momba ny tokantrano izy mivady. Raikitra ny fifamaliana teo amin’izy ireo. Tsy nahazaka izany ilay raim-pianakaviana ka nanao herisetra tamim-badiny. Niafara tamin’ny famoizan’aina anefa izany. Voalazan’ny mponina fa matetika manao herisetra amin’io vadiny io ity rangahy ity rehefa misy zavatra tsy ifankahazoan’izy mivady. Nitsoaka ilay rangahy nahavanon-doza ka mbola ao anatin’ny fikarohana azy ny zandary. Nentin-katezerana manoloana izao raharaha izao ny mponina teo an-tanàna saingy nilamina ihany tamin’ny fotoana nahatongavan’ny zandary. Andrasana ny tohin’ity raharaha ity.

J.C

Le ministre de la Jeunesse et des sports (MJS), Marson Moustapha Abdulah, a organisé une deuxième réunion avec les présidents des fédérations sportives malgaches, hier au Palais des sports de Mahamasina. Parmi ses priorités, la finalisation de la politique nationale des Sports (PNS) d’ici au mois de juin.

La deuxième réunion du ministre de la Jeunesse et des Sports (MJS), Marson Moustapha Abdu­lah avec les présidents des fédérations sportives malgaches, hier au Palais des sports de Mahamasina, a permis d’établir les principes de travail entre les deux parties, notamment en ma­tière de subvention, de financement de chaque fé­dération en vue des différentes sorties internationales. D’autres sujets ont également été à l’ordre du jour, comme le programme de développement, le retour dans la Conférence des mi­nistres de la jeunesse et des sports de la francophonie (Confejes), le sport-études et les différentes bourses au sein du MJS.
Le locataire de la Place Goulette a souligné l’importance d’élaborer la loi sur la Politique nationale des Sports (PNS) qui figure parmi ses priorités et a été lancée il y a déjà plus de six ans, mais n’est toujours pas aboutie. A cette occasion, il promet de la finaliser avec toutes les fédérations sportives au mois de juin, en organisant très bientôt un atelier.

Mise en place d’un dojo fédéral
«La PNS fait partie de mes priorités. Nous allons finaliser ce projet d’ici cinq mois pour le bien du sport malgache. Comme le projet a été déjà lancé depuis plus de six ans, je veux organiser un atelier avec les fédérations et les personnes compétentes afin de le réactualiser au plus vite», a-t-il poursuivi.
Parmi les nombreuses demandes des fédérations figurent également la mise en place d’un «dojo fédéral» pour chaque discipline qui en a besoin, sans oublier le «siège fédéral» pour certaines fédérations. Et, les fédérations souhaitent d’ailleurs que la subvention soit prête à temps.

Les présidents de fédération se réjouissent de ce geste du ministre des sports. «Nous tenons à remercier le ministre pour son ouverture en offrant aux fédérations le droit de parole ainsi que son engagement envers le sport malgache. Nous remercions également le président de la République malgache Andry Rajoelina qui est l’initiateur de cette réunion pour le développement du sport», a déclaré le président de la Fédération du karaté-do de Madagascar, Emile Ratefi­nanahary.

Pour une bonne entente et la réussite du sport malgache, l’homme fort de la Jeunesse et des sports rappelle qu’il prône toujours le dialogue et le respect entre les fédérations et le minis­tère.

Soafara Pharlin

Valifaty politika ahi­­na hihitatra ha­tramin’ny maha olo­na sy tsindry ara-tsosialy ka me­ty hitarika fiforonana valanaretina ma­­ro samihafa ny trangan-javatra mi­seho ao amin’ny fokontany maromaro eo anivon’ny kominina  ambanivohitr’ i Maromitety, niatomboka ny 12 desambra lasa teo.

Samson na Sonina, zandary misotro ronono ary efa nihazona ny andraikitra lefitry ny ben’ny Tanàna sy filohana filankevitry ny kominina ambanivohitr’ i Ma­ro­mitety, nitondra fanazavana fa taorian’ny tsy fitarihan’ny ben’ny Tanàna am-perinasa sy ny lefitra voalohany. Ity farany izay miandraikitra ny rano fisotro madio eo anivon’ny kaominina. Samy kandidà rahateo izy roa lahy  nandritra ny fifidianana farany teo ary samy tsy nitarika tamin’ny isam-bato ny 11 desambra, tsy niandry ela, tapaka ny rano fisotro madio niantomboka ny 12 desambra raha efa notapahina nialoha izany tao amin’ny fokontany Ambodi­manga Sahavaviana sy An­tsirakoraka izay fiavian’ny kandidà mpifaninana, raha ny fanazavana.

Miverina mantsaka an-drenirano

Antsojay amin’ny maha olona izany, raha ny fanazavan’ny fokonolona, tsy tokony hisy fifandraisana ny politika sy ny tsy fitariham-bato tamin’ ny fifidianana sy ny zo ho an’ olombelona hisitraka rano fisotro madio, manao antso avo amin’ny mpitondra mahefa ny fokonolona sy ireo nanaovana fanadihadiana.” Amin’izao, efa miverina mantsaka amin’ny reniranon’ i Iazafo indray izahay, maloto satria betsaka ny zavatra ataon’ny olona eny ambony eny na ny mety ataonay eto kanefa ny rano mikoriana ka mety hankarary izay rehetra handalovan’izany.  Efa nisy rahateo ny olona sahy nanary fatim-bibilava teny an-drano, eo ny manasa zavatra rehetra malotony, ny trano fivoahan’ny fianakaviana sasany rahateo amoron-drano, ny mpaka fasika manginy fotsiny. Ankilany, tombony nefa ireny rotsakorana nentin’ny rivodoza Dikeledi ny sabotsy teo, ireny. Aorian’ny fiatoan’ny rotsakorana, samy hiverina hantsaka an-drenirano maloto ny fokonolona.

Ahina ny valanaretina

Nohamafisin’ny fokonolona fa, taloha, voalohany tato anatin’ny distrikan’ i Vavatenina tamin’ny fiparitahan’ny valanaretina bilarziozy ny kaominina Maromitety, izany indrindra no nahatonga ny mpitondra tao an-toerana nangataka ny mba hisitrahana rano fisotro madio. Kanefa, hanaovan’ny ben’ny Tanàna am-perinasa, kandidà farany teo, antsojay politika ny aim-bahoaka. “Amin’ izao fotoana izao, efa betsaka ny aretim-pivalanana sy mikohoka ka ahina ny hitaran’izany ho valanaretina maro samihafa raha tsy miverina mandeha haingana ny rano fisotro madio.
Tsy ampy sakafo…

Amin’ny ankapobeny, sahirana ny mponina amin’ireo fokontany maromaro anivon’ny kominina ambanivohitra Maromitety. Nandritra ny fanadihadiana natao tany an-toerana, nahitana tokantrano vitsivitsy efa tsy mihinana vary amin’ny atoandro na hariva fa soanambo no solon-tsakafo, ka indray mandeha isan’andro no mihinam-bary, ny maraina mazava hoazy. Nohamafisin’ny renim-pianakaviana iray fa tsy fisakafoana ara-dalàna, miampy fisotroana rano maloto, handreraka aina ka hanamora fiforonana karazana aretina.
Lafo ny vary, vidiana 1 900 Ar ny kapoakan’ny vary fotsy, raha 800 Ar ny akotry. « Izaho handeha hamarotra ny akohoko koa raha lafo ity vao hividy vary sy zavatra hatao laoka, sahirana izahay aty », hoy ity renim-pianakaviana ity. Nohamafisin’izy ireo fa nisy fiantraikany tamin’ny fambolena sy ny fiveloman’ny mponina ao an-toerana ny tsy fisian’ny orana nandritra ny fotoana lava, teo rahateo ny tsy fahavokaran’ny letisia sy ny jirofo, ahina ny mety hisian’ny mosary raha izao no mitohy, raha mosary ny olona no sady mampiasa rano maloto, haingana ny fahatongavan’ny tsimokaretina.

Araka ny tsiliantsofina, ny fandoavana ny karaman’izay ho mpanazatra hitantana ny Barea no antony tsy mbola hivoahan’ny anaran’izay hisahana izany andraikitra izany. Mbola hifampidinihan’ny fanjakana sy ny federasiona ary ny mpiara-miombon’antoka mantsy ny amin’izany, araka ny angom-baovao.

Manomboka amin’ity taom-pilalaovana ity, hanazatra ny ekipan’ny FC La Ville Ste Suzanne, atsy La Réunion, i Abdou Hassman. Tsiahivina fa anisan’ireo namorona sy nitondra ny ekipan’ny Tsaramandroso Formation Boeny ny tenany. Taorian’izay, niondranany tatsy La Réunion, nitondra ny AS Jeanne d’Arc ny tenany.

Anisan’ny Malagasy mpilalao tsipy kanetibe misongadina any Frantsa, amin’izao fotoana izao, i Tsirintsoa. Mpilalaon’ny Arlanc ny tovolahy ary mampiaiky ireo rehetra mifanehitra aminy ny fahaizana sy ny talenta ananany. Miangavy ny Federation sport-boule malagasy ny mpankafy ny mba hiantsoana azy, handrafitra ny ekipam-pirenena.

Miisa efatra ny fifaninanana iraisam-pirenena hatrehin’ny Federasiona malagasin’ ny atletisma amin’ity. Eo ny fiadiana ny ho tompondakan’i Afrika U18 sy U20, any Algerie, ny volana avrily. Ny CJSOI any Seychelles amin’ny jolay sy ny fiadiana ny ho tompondaka maneran-tany any Tokyo amin’ny septambra ary ny Relais St Benois amin’ny novambra.

Tontosa ny talata 14 janoary lasa teo, tany Casablanca, Maraoka, ny fifidianana teo anivon’ny UAJ (Union africaine de Judo). Mbola lany hitantana izany mandritra ny 4 taona manaraka indray, Randrianasoloniaiko Siteny. Voafidy tsy nisy fanoherana ary nahazo fankatoavana tanteraka izy tamin’ny alalan’ireo federasiona 32 manerana an’i Afrika, izay tonga nanatrika ny fivoriambe narahina fifidianana. Ny taona 2021 no nandray ny fitantanana voalohany ny UAJ ny filoha Randrianasoloniaiko Siteny. Izao voafidy fanindroany izao indray izy, ho an’ny taona 2025 hatramin’ny 2029.
Nandritra io fivoriambe io ihany koa no nandraisana ny fanapahan-kevitra momba ny filankevitra mpanatanteraka. Araka izany, tafapetraka ny Chairman Shadrack Maluki, i Estony Pridgeon, sekretera jeneraly, ary ny mpitahiry vola, i Chafik El Kettani. Tsiahivina fa efa tao anatin’ny mpikambana mpanatanteraka teo aloha avokoa izy ireo no izao naverina eo amin’ny toerana izao indray. Marihina ihany koa fa kandidà tokana, Randrianasoloniaiko Siteny, toraka izany koa ireo mandrafitra ny birao rehetra.

Mi.Raz

Tanjona ho an’ny federasion’ny Karate do malagasy (FKM) ny hisehatra eo amin’ ny fifaninanana iraisam-pirenena bebekokoa amin’ity taom-pikatrohana 2025 ity. Io no nohamafisin’ny filohan’ny federasiona, Ratefinanahary Emile, ny faran’ny herinandro teo, tetsy amin’ny ANS Ampefiloha, nandritra ny famaranana ny fampivondronana tapany voalohany ho an’ny mpikatroka sokajy Cadets, Juniors ary Seniors. Mba hahafahana manatratra izany tanjona izany, hampitomboina ireo hiatrika ny fifaninanana kaontinantaly mba hananana vintana maromaro hahazoana tapakila hiatrehina ny fiadiana ny tompondaka maneran-tany. Araka izany, Malagasy mpikatroka 20 mianadahy no kasaina hampandraisina anjara mandritra ny fiadiana ny tompondakan’i Afrika, sokajy Cadets, Juniors ary Seniors, hatao any Nizeria, ny 25 hatramin’ny 27 jolay ho avy izao. Amin’io fifaninanana afrikanina io no hametrahan’ny federasiona ny heriny rehetra mba hahafahan’ireo atleta malagasy mahazo tapakila hiatrehana ny fiadiana ny tompondaka maneran-tany. Tsy vitan’ny federasiona samy irery anefa izany fa miantso fanohanana izy ireo hiaraka hifarimbona, anisan’izany ny fanjakana malagasy sy ireo mpiara-miombon’antoka ary ny fikambanan’ny ray aman-dReny.

Any Antsirabe sy Ambositra ny fampivondronana faharoa

Tsiahivina fa nifarana ny alahady lasa teo ny tapany voalohany tamin’ny fampivondronana ireo mpikatroka hitsongana izay ho ekipa nasionaly, sokajy Cadets, Juniors ary Seniors, izay natao teto Antananarivo. Any Antsirabe sy Ambositra kosa no hanatanterahina ny fampivondronana faharoa, raha ny fandaharam-potoanan’ny FKM.

Mi.Raz

Manohy ny fahombiazany hatrany ny Akomba de Madagascar, sokajy U14, eo amin’ny fiadiana ny ho tompondakan’ i Afrika Aostraly, taranja tenisy. Nahazo fandresena fanindroany ny Malagasy rehefa nandresy an’i Angola.

Nitohy omaly, tao amin’ny kianja Windhoek Namibie, ny andro faha­roa hiadiana ny ho tompondakan’i Afrika Aostraly, taranja tenisy isan-tarika, sokajy zandriny U14 sy 16, lahy sy vavy. Mitohy ny fa­hombiazana ho an’ny Akomba de Madagascar, U14, zazalahy. Nahazo fandresena faharoa ry zalahy, teo amin’izay andro faharoa izay.
Resiny tamin’ny isa 2 no ho 1, i Angola. Teo amin’ny lalao ho an’olon-tokana voalohany, resin-dRazafindrazaka Ny Avo, tamin’ny seta 2 no ho 0 (6/0 ; 6/0), i Marco Silva. Tsy niady mihitsy ny fihaonan’izy mirahalahy satria tsy nahazo na “jeu” iray aza ity mpifanandrina taminy ity. Toy ny nanao fanazarantena fotsiny Ny Avo, tamin’ity.
Teo amin’ny fihaonana faharoa, lavon’i Italo Tuluca, tamin’ny seta 2 (6/0; 6/2), Rakotondramboa Sebastien. Voatery niditra teo amin’ny lalao ho an’olon-droa nahalalana izay ho mpandresy. Teo no nanantombo ny Akomba, niarahan’ i Ny Avo sy i Sebastien. Lavon’izy mirahalahy tamin’ny seta 2 no ho 0 (6/4 ; 6/4), i Tuluca sy David Lemos. Niady ny fihaonana satria nifanenjehina ny “jeu” saingy ny hafetsifetsena sy hakingana teo amin’ny Mala­gasy mpilalao no naharesena ireo mpifanandrina.
Tsiahivina fa efa nandresy an’i Namibie, tamin’ny isa 2 no ho 1, ny Akomba, tamin’ny andro voalohany. Hitohy, anio, ny fifaninanana ka ny vehivavy, U16 sy ny lehilahy, U14 samy hidona amin’i Afrika Atsimo no hiady ny laharana voalohany fa efa samy tafita amin’ny manasa-dalana. Tsia­hivina fa tsy afaka niatrika ny fifaninanana ny U14, vehivavy, noho ny tsy fahasalaman’ny mpilalao iray mandrafitra ny ekipa.

Tompondaka

Ces derniers mois, pas une semaine ne passe sans qu’on n’entende parler de la dé­couverte de trafics de tous genres. Si auparavant, les trafics de bois de rose et autres bois précieux faisaient la « une » de l’actualité, aujourd’hui, beaucoup d’autres produits font l’objet de ces activités illégales.
Bien sûr, si l’exploitation illégale de produits de la forêt se poursuit encore – tout récemment, on a dé­couvert le transport de toute une cargaison de bois de palissandre sans que les transporteurs puissent présenter la moindre autorisation -, celle de bois précieux a connu une certaine accalmie relative.
Qu’on le veuille ou non, ce sont les trafics portant sur les espèces rares d’origine animale qui occupent le devant de la scène actuellement. Cela concerne princi­palement les tortues et les chimpanzés. Trois asiatiques viennent d’ailleurs de se faire épingler à Ivato avec
105 tortues.
Toujours est-il que les trafics portent également sur d’autres produits tels que les produits halieutiques (concom­bres de mer…), les drogues (chanvre, héroïne…). On ne saurait oublier les trafics de personnes à destination de certains pays arabes.
Bien évidemment, les trafics portant sur l’or se poursuivent. Il en est de même en ce qui concerne les ossements humains sans que l’on sache véritablement à quoi ils vont servir ou bien s’il existe réellement des commanditaires. Jusqu’à présent, ce type de trafic reste dans le domaine du mystère.
Les trafiquants sont de diverses nationalités (africaines, asiatiques…). Quoi qu’il en soit, ces trafics ne seraient pas possibles sans la complicité de quelques autochtones, qu’il s’agisse de simples particuliers ou d’agents de l’administration.
Il faut bien que quelqu’un sur place aide ces trafiquants pour réunir ces centaines d’animaux qui vont faire l’objet d’une expédition clandestine. Mais il arrive que la communauté d’où ces animaux faisant l’objet de trafic viennent se taise quand un gros bonnet est impliqué.
On se demande bien pourquoi tous ces étrangers accourent tous à Madagascar pour perpétrer ces trafics ? Les sanctions appliquées aux trafiquants ne sont-elles pas suffisamment dissuasives ? Ou bien, ce sont les contrôles au niveau des frontières qui laissent à désirer ?
Certes, quelques trafiquants se font attraper, mais on peut bien croire que ce n’est que la partie visible de l’iceberg. On peut bien penser que la grande partie des trafics passent à travers les mailles des services douaniers. Et bien souvent, ce n’est qu’à l’extérieur du pays qu’on apprend l’existence de ces trafics.
Si tous ces trafics se poursuivent, le pays sera démuni de ses espèces rares. D’ailleurs, certaines espèces sont déjà en voie de disparition. Mais le comble serait que, au niveau international, on ne va pas manquer d’étiqueter Madagascar com­me étant le pays de tous les trafics.

Aimé Andrianina

Ranobe, future terre d’exploitation minière pour Base Toliara, a vibré au rythme d’une cérémonie traditionnelle marquant la relance officielle du projet minier.

Dans ce fokontany de la commune d’An­kilimalinike, un sa­crifice de zébu a été réalisé, pour le respect des traditions locales et de l’importance de l’événement. Ce geste symbolique a permis de demander la bénédiction des habitants, alors que les autorités locales et l’équipe de Base Toliara annonçaient le feu vert de l’Etat à ce projet suspendu depuis 2019.
La cérémonie, marquée par la présence d’autorités telles que le directeur
in­terrégional du développement (DID) de l’Atsimo Andre­fana, Risite Heriha­rivelo qui a représenté le Gouverneur de la région Atsimo An­drefana, Edally Tovondrainy, a mis en avant les attentes placées dans
ce projet. «La décision du Conseil des ministres de novembre 2024 de lever la suspension de Base Toliara est accueillie avec enthousiasme», a-t-il déclaré. Il a rappelé les principaux avantages du projet : création d’emplois directs et indirects, retombées fiscales et programmes sociaux financés à hauteur de plusieurs millions de dollars.
Ces perspectives économiques sont saluées par les habitants de Ranobe. Mian­dry, un résident, s’est réjoui des retombées concrètes attendues, telles que la construction d’écoles, le transfert des tombeaux et la compensation foncière. Rafesy, un autre habitant, a défendu le projet face aux critiques : «Les rumeurs sur des im­pacts destructeurs sont in­fondées. Le site est situé à 15 km de Benetsy, loin des zones sensibles».
Un consensus malgré des oppositions

Le vice-président du fo­kontany de Ranobe, Toto Ramanoely, a exprimé la gratitude des habitants en­vers l’Etat pour avoir relancé le projet après cinq ans de suspension. «Nous espérons des opportunités pour nos jeunes et des améliorations dans nos infrastructures, telles que des hôpitaux et l’adduction d’eau potable», a-t-il déclaré.
Cependant, des opposants continuent de dénoncer d’éventuels impacts en­vironnementaux et sociaux. Le maire intérimaire d’An­kilimalinike a tenu à rassurer : «Le projet ne nuira pas au tourisme, les sites touristiques étant situés à une vingtaine de kilomètres». De plus, Base Toliara a mis en place des programmes environnementaux pour protéger les parcs nationaux de la région, écartant tout impact sur les forêts de baobabs ou les zones comme Mangily.
A travers cette relance, Base Toliara se positionne non seulement comme un moteur économique régional, mais aussi comme un acteur engagé dans le développement durable et l’inclusion des communautés locales. La cérémonie de Ranobe a illustré le soutien majoritaire des habitants et leur volonté de tirer parti de cette opportunité unique. Malgré les défis, le projet avance avec l’appui des au­torités et des populations locales, prêtes à écrire une nouvelle page pour l’Atsimo Andrefana.

Arh.

Le Directeur Général de l’ACM, Gervais Damas, a inauguré hier à Tsimbazaza, le Programme Universel d’Audits de Sûreté (USAP), lancé le 13 janvier et s’achèvera le 23 janvier.
Initialement prévu en 2023, l’audit de sûreté de l’ACM a été reporté en raison des conséquences engendrées par la pandémie de Covid-19. «L’objectif est de vérifier que Madagascar respecte les normes mondiales de sûreté aérienne et que les programmes nationaux de sûreté sont correctement appliqués» précise l’ACM tout en ajoutant que cet audit est essentiel pour la Grande île et reflète l’engagement du pays à maintenir des normes élevées de sûreté aérienne et à promouvoir un développement durable dans le secteur.
A noter que Madagascar a reçu la note de 43 sur 100, lors du dernier audit en 2013, ce qui est en dessous de la moyenne mondiale qui s’élève à 62 sur 100. A rappeler qu’en fin 2024, un audit blanc a déjà été mené par des experts de l’OACI et s’est conclu sur une note positive pour Madagascar.
«Tout cela pour dire que l’ACM s’est préparée et les résultats de cet audit permettront au pays de continuer à renforcer la sûreté de son secteur aérien et d’assurer sa conformité avec les normes internationales» conclut l’ACM.

Jean Riana