L’équipe nationale malgache de rugby à VII masculine sait désormais ce qui l’attend pour sa première participation à la World Challenger Series (WCS) qui se déroulera en deux étapes: 1er et 2 mars ainsi que 7 et 8 mars en Afrique du Sud.
Les Makis, novices de la compétition, évolueront dans le même groupe que le Canada et Hong Kong Chine. Les protégés de Mboazafy Noé Rakotoarivelo alias Razily devront ainsi cravacher dur afin de relever le défi qui les attend.
En Afrique du Sud, l’objectif des Makis est de finir dans le Top 8 des douze pays participants, seule condition pour poursuivre l’aventure à Cracovie (Pologne) les 11 et 12 avril. Il s’agit de l’Afrique du Sud, hôte de la compétition, le Kenya, l’Ougan¬da, l’Allemagne, le Brésil, le Cana¬da, le Chili, la Géorgie, le Japon, Hong-Kong Chine et le Portugal.
Les quatre meilleures nations disputeront par la suite le «Play off» à Los Angeles les 3 et 4 avril et seront qualifiées pour le «Sevens Challenger series 2025 ».
En attendant, les 25 joueurs présélectionnés poursuivent un regroupement intensif au stade Makis Andohatapenaka depuis le début du mois de février.

SoafaraPharlin

Maro ny fomba azon’ny mpivady atao amin’ny tontolon’ny fanabeazana aizana. Misy ny fihinanana fanafody sy fanaovana tsindrona eny anivon’ny tobim-pahasalamana. Fomba fanabeazana aizana iray tsy lefy laza ihany koa anefa ny fahaizana manisa andro. Ilaina fitandremana be eo amin’ny mpivady ny fanaovana io fomba natoraly io. Fana­beazana aizana manintona ny vehivavy maro ny fanisana andro, noho izy natoraly. «Tsy mila mampiasa fanafody na fitaovana hafa entina handrindrana ny fiterahana ka mety tsy hiteraka voka-dratsy ho an’ny fahasalamana ny antony hisafidianako azy io», hoy ny renim-pianakaviana iray nanontaniana. Mifototra amin’ny fikajiana ny andro mahalonaka ny vehivavy ny fanisana andro, raha ny fanazavan’ ny mpitsabo. “Tsy manao firaisana ara-nofo mandritra ny vanim-potoana mahalonaka fotsiny dia izay”, hoy izy. Voakasik’izany ny dimy andro mialoha sy dimy andro aorian’ny famokarana atodinaina na « ovulation ».
Anisan’ny lafy ratsin’ny fanaovana azy io ny fikorontanan’ny tsingerina eo amin’ilay vehivavy. Maro ny tsy tomombana rehefa mitranga eo amin’ny vehivavy izany. Anisan’ny miteraka olana hafa eo amin’ny mpivady ny mety hampipetraka tampoka ilay zaza nefa mba efa nanisa andro ihany. Antony mahatonga ny fikorontanana ny harerahana, ny tebiteby, sy ny maro hafa ma­hazo ilay vehivavy. An­ko­atra izay, tsy mety ihany koa ny fanaovana azy io raha toa ka tsy manaja ny fotoana maha lonaka ny mpivady.

Mazoto manao fanabeazana aizana ny vehivavy an-drenivohitra
Manodidina ny 57% ireo vehivavy tonga manatona toeram-pitsaboana hanao fomba fandrindram-piterahana eto Madagasikara, ny taona 2023, raha ny antontanisa voaray. Raha toa ka 43% ny taha ho an’ny taona 2021. Monina an-drenivohitra avokoa ny 52% manao fanabeazana aizana, raha ny fanadihadiana natao. Monina any amin’ny tontolo ambanivohitra kosa ny 44% amin’izy ireo. Voakasik’izany ireo tokantrano marefo sy mahantra. Misafidy ny hanao fanabeazana aizana moderina ny ankamaroan’izy ireo. Ny faritra Vakinankaratra sy Itasy ny faritra betsaka vehivavy manao fanabeazana aizana indrindra. Tafiditra ao anatin’ny taha ambany indrindra kosa ny faritra Anosy sy Androy. Tanjona ny hampitomboana izany ho lasa 60% amin’ny taona 2030. Anisan’ ny sakana tsy ahafahan’ny vehivavy hafa misitraka azy io ny tsy fitoviana amin’ny sehatry ny fidiram-bola sy ny fanabeazana ary ny fihaviana. Maro amin’ny lehilahy ihany koa ny tsy mankasitraka ny vadiny hanao io fomba fandrindram-piterahana io. Mata­hotra, araka izany, ny vehivavy ka tsy sahy manao izany sy tsy sahy manatona toeram-pitsaboana. Antony mampihena ny taha sasany, indrindra ho an’ny mponina any ambanivohitra izany.

Fanabeazana aizana mampiaty

Maro karazana ny fomba fandrindram-piterahana azo ampiasaina. Misy ny natokana ho an’ny vehivavy, fa eo koa ny ho an’ny lehilahy. Misy ny fomba maharitra antsoina hoe “implant”, maharitra telo taona eo ny faharetan’ny fanaovana azy. Eo koa ny DIU, maharitra 10-12 taona. Atao isaky ny telo volana ny tsindrona, hohanina isan’andro kosa ny pilina. Manakana ny famokarana atodinaina na «ovulation» ireo karazam-panafody ireo ary misoroka ny fitoeran-jaza.
Misy koa ireo natokana ho an’ireo olona tapa-kevitra ny tsy hiteraka intsony. Ho an’ny lehilahy, misy ny fanabeazana aizana antsoina hoe: «vasectomie». Amin’ny alalan’ny fanapahana na famatorana ny lalan’ny tsirin’aina. “Ligature” kosa ho an’ny vehivavy. Famatorana ny fantsona mitondra ny tsirinaina mankany amin’ny atodinaina. Marihina fa tsy afaka miteraka intsony ny vehivavy sy lehilahy atao ireo fomba fanabeazana aizana ireo.
Mety hampikorontana ny toe-batana ny fanafody, indrindra ho an’ireo vehivavy tsy mahazaka izany, raha ny fanazavan’ny mpitsabo. Ankoatra izay, mety hitarika aretina hafa any amin’ny tranon-jaza ihany koa izany. Nambaran’ny mpitsabo fa tsy mandaitra 100% ny fanafody na ny fitaovana fandridram-piterahana.

Nanatontosa : Mino

Tsy tapaka fa misokatra ny fifamoivoizana amin’ny RN 2, mampitohy an’Antananarivo sy Toamasina, na teo aza ny fandalovan’ny rivodoza Faida. Mitohy, toraka izany koa, ny any amin’ny RN6, avy eto Antananarivo mankany Antsiranana. Hatreto, misy fifindrana fiara fitaterana eo amin’ny tetezana Efasy sy Mahavavy.

Fantarina ireo kaominina hotohanana amin’ny sehatry ny famokarana any amin’ny faritra Alaotra Mangoro. Hojerena ny tohodrano sy ny fotodrafitrasa mila fikojakojana sy fanarenana. Hofanina ihany koa ireo ben’ny Tanàna amin’ny lafiny fambolena. Natao ireo taorian’ny toromariky ny filoha Rajoelina Andry tany Alaotra ho an’ny minisiteran’ny Fambolena.

Manararaotra manetsa avokoa ny mpamboly vary amin’izao fiavian’ny orana izao na eo aza ny fahataran’ny orana. Ho tara ny famokarana sy ny fiakaram-bokatra ka ahina sahady ny hampiakatra indray ny vidim-bary eny an-tsena.

Voafaritra ny tondrozotra sy ireo dingana hampihodinana ny saha indostrialy eto Madagasikara. Nizara traikefa sy nandroso soso-kevitra iraisam-pirenena momba izany teto amintsika ny Onudi. Ilaina, araka izany, ny fomba iray hanodinana ny faritra fampiasam-bola na faritra ara-toekarena manokana na faritra malalaka na faritra fampiasam-bola indostrialy.

Fanampiana ny mpanjifa! Nohamafisina ny fiaraha-miasan’ny orinasa, sampandra­haraha ara-bola madinika, Smmec sy ny Madauto. Tan­jona ny hanomezana tolotra sahaza arakaraka ny fahefa-mividin’ny tsirairay manerana ny Nosy. Nohamoraina ny fampindramam-bola ahafahana mandoa tsikelikely ny vidin’entana mifanandrify amin’ny filan’ny mpanjifa isan-tsokajiny. Natao ho an’ny rehetra ny tolotra, olon-tsotra, mpandraharaha na orinasa madinika sy salantsalany, na an-tanàn-dehibe na ambanivohitra.
Anisan’ny voakasik’izany ny fividianana gropy mpanome herinaratra, mamaha ny olana manoloana ny fahatapahan’ny herinaratra. Eo koa ny kodiarandroa, moto Honda, manamora ny fivezivezena, indrindra any amin’ny toerana saro-dalana. Notsinjovina ny mpanjono, mampiasa ny motera (Hors-bord) mampandeha ny sambokely haingam-pandeha. Manampy ireo ny kojakoja fanolo samihafa amin’ireo entana voalaza ireo. Satria misy ny tetibidiny no mety tsy zakan’ny mpanjifa, ka ahahafana mandoa azy tsikelikely.
Afaka misitraka ny tolotra ny mpanjifa any amin’ireo masoivoho Smmec miisa 130 manerana ny faritra sy ahitana ny Madauto any amin’ny renivohi-paritany, toa an’Antana­narivo, Antsiranana, Toama­sina, Mahajanga, Fianaran­tsoa, miampy ny any Nosy Be sy Taolagnaro.

Njaka A.

Mitentina 12,5 tapitrisa dolara ny tohana ara-bola omen’ny Banky afrikanina ho an’ny Fampandrosoana (Bad) sy ny Axian Telecom ho an’ny vehivavy mpandraharaha eto Madagasikara, Tanzanie ary Sénégal. Ny 10 tapitrisa dolara natao hanohanana ireo vehivavy malagasy mpandraharaha miisa 22 000 izay hampiasana ny Mvola. Natao ihany koa hanamorana ny fahazoan’ireo tolotra ara-bola sy fitaovana niomerika ilaina amin’ny fampiroboroboana ny seha-pihariany. Ankoatra izay, ampiasaina amin’ny fanabeazana ara-bola sy famatsiam-bola an’ireo orinasa miisa 34 000 amin’ireo firenena telo voalaza etsy ambony kosa ny vola 2,5 tapitrisa dolara. Tanjona ny hanohana ny vehivavy sy hampiditra ny fandraharahany eo amin’ny sehatry ny ara-dalàna. «Hampi­henana ny elanelana amin’ny fisitrahana famatsiam-bola sy amin’ny fampiasana ny niomerika, indrindra ho an’ny vehivavy, ity famatsiam-bola ity», hoy ny filoha lefitry ny Bad, i Solomon Quaynor. «Hitondra vahaolana vaovao ihany koa ity fanohanana ity hanosehana ny fampiatiana ara-bola eto amin’ny kaontinanta afrikanina», hoy kosa ny Tale jeneralin’ny Axian Telecom, i Hassan Jaber.

Henintsoa H.

Voafidy ho Judokas mendrika indrindra maneran-tany, taona 2024, ilay teratany japoney, i Chirsta Deguchi, eo amin’ny sokajy latsaky ny 57 kg, vehivavy. Nambara tamin’ny fomba ofisialy nandritra ny famaranana ny fifaninanana «Grand Slam de Paris», ny faran’ny herinandro lasa teo, izany.

Hankalazaina ny 6 febroary izao ny Andro maneran-tany ho an’ny taranja Muay Thai. Toy ny fanao isan-taona, hisy ny hetsika karakarain’ny Federasiona malagasin’ ny taranja Muay Thai, amin’io fotoana io, ho fanandratana ny taranja. Hetsika maro no hameno ny fandaharam-potoana ka anisan’izany ny fifaninanana.

Nahatratra 25 ny isan’ireo mpikatroka Taekwondo tonga nanala fanadinana hiakarana ambaratonga ny sabotsy sy ny alahady teo, teny Nanisana. Nilaza ny mpitantana eo anivon’ny taranja Taekwondo WT fa hisy ny hetsika iray hanofanana ireo Malagasy mpitsara eto Madagasikara.

Hotontosaina ao amin’ny Petit Palais Mahamasina, manomboka ny alahady sy ny alatsinainy ho avy izao, ny lalao fitsapana ho an’ireo mpilalao handrafitra ny ekipa nasionaly malagasy, amin’ny taranja Tenisy ambony latabatra “ping pong”. Tsiahivina fa natao ity hetsika ity hananan’ny Malagasy mpilalao hanao ny fifaninanana Afrika Atsinanana hatao eto Madagasikara.

Nalahelo tamin’ny vokatra azony nandritra ny “Grand Slam de Paris”, taranja Judo, notontosaina ny faran’ny herinandro teo, Rasoanaivo Razafy Laura. “Resy noho ny fitsipika vaovaon’ny fitsarana aho ary tsy mbola azoko hatramin’izao ny antony naharesy ahy”. Io no voalohan-teniny vao vita ny ady natrehiny nanoloana ilay mpifanandrina taminy ary tena nandratra ny fony io vokatra io. Raha hiverenana ny zava-bitan’i Laura, tena nanantombo izy nanoloana an’i Myers Melissa (USA), izay laharana faha-65 maneran-tany. Efa nitarika isa 1 no ho 0 mihitsy aza i Laura, kanefa, araka ny fanapahan-kevitry ny mpitsara, resy tamin’ny minitra farany izy ary nivadika ho Ippon. Tsy nataony hahakivy azy anefa ny vokatra izay notsoriny fa tena nanao ny ezaka rehetra izy nanatsarany ny zava-bitany nihoatra noho ny tamin’ny taon-dasa. “Mia­trika fiofanana sy fanazarantena iraisam-pirenena aho na­nomboka omaly, ary hanarina izay lesoka rehetra”, hoy ny nohamafisin-dRasoanaivo Razafy Laura, Malagasy judokas, laharana faha-40 maneran-tany, eo amin’ny sokajy Seniors, latsaky ny 70 kg.
Tsiahivina, mbola manana fifaninanana iraisam-pirenena dimy eo i Laura, amin’ity taona 2025 ity, ary efa tafiditra sahady amin’ny fifanintsanana hahazoana ny tapakilan’ny Lalao Olympika izany. Tsy hataony ambanin-javatra ary tena hilofosany, araka izany, ny fifaninanana iraisam-pirenena rehetra mbola ho avy.

Mi.Raz

Miditra amin’ny fampivondronana mihidy eny amin’ny Cnaps Vontovorona, tamin’ity herinandro ity, ny ekipan’ny Ankoay, lehilahy, ho fanomanana ny dingana faran’ny fifanintsanana ho amin’ny “Afrobasket 2025”. Efa eny an-toerana avokoa ireo mpilalao eto an-toerana. Ny 11 febroary izao kosa no andrasana ny fahatongavan’ireo mpilalao mpilaravinahitra 5 mirahalahy hanatanteraka ny fampivondronana miaraka amin’ny namany eny Vontovorona. Mpilalao 5 mirahalahy, ahitana an’i Lahotan Rija, Rabibisoa Jerry Pépin, Mathias M’Madi, Randriamananjara Johan Andy ary Raharimanan­toanina Sitraka. Tsiahivina, mpilalao 18 no nantsoina hiatrika ny fampivondronana hitiliana izay handrafitra ny ekipam-pirenena malagasy Ankoay, ary efa mivondrona eny Vontovorona avokoa ny 13 mirahalahy ary izao andrasana izao ny fahatongavan’ireo mpilalao 5 ambiny ireo.
Mifantoka amin’ny fiarahana eny an-kianja sy fanamafisana taktika ny Ankoay amin’ity tapany faharoa amin’ny fanomanantena ity.

Mi.Raz

Anisan’ireo firenena handray anjara amin’ny fiadiana ny ho tompondakan’i Afrika, taranja badminton, hatao any Cameroun, i Madagasikara. Mpilalao 6 mianadahy no handeha hiaro ny voninahi-pirenena amin’izany ka misy mpilaravinahitra any Frantsa iray handrafitra ny ekipa nasionaly.

Raha tomombana avokoa ny fikarakarana rehetra, anisan’ireo firenena hanatrika ny fiadiana ny ho tompondakan’i Afrika, eo amin’ny taranja badminton, i Madagasikara. Fihaonana ho­tanterahina any Douala Ca­meroun, ny 10 ka hatramin’ny 17 febroary ho avy izao. Efa ao anatin’ny tsipika farany amin’ny fanomanana izany ireo mpilalao hiaro ny voninahi-pirenena.
Hisy mpilalao mpilaravinahitra mipetraka any Frantsa iray hanatevina ny ekipam-pirenena malagasy, amin’ny alalan-dRamanana Rahary Lalaina. Izy no laharana voalohany.
Tsy olom-baovao amin’ny tontolon’ny badminton malagasy i Lalaina fa efa nandrafitra ny ekipa nasionaly ary efa niatrika ny lalaon’ny Nosy, natao teto Madagasikara, ny taona 2023. Nandrombaka medaly alimo teo amin’ny isan-tarika sy ho an’ny olon-droa miaraka lehilahy izy ta­min’izany.
Raha ny traikefany sy ny lalao hatrehiny isan-kerinandro any ivelany, inoana fa hi­tondra fanantenana handrombahana medaly ho an’ny Malagasy. Nambaran’ny filohan’ny federasiona, Ravalison Jean Aimé, fa hitondra mpilalao 3 vavy sy 3 lahy ny Malagasy amin’ity.
Anton’izany, hifaninana eo amin’ny isan-tarika sy ho an’olon-tokana ny Malagasy
amin’ity. Hanana ny lanjany lehibe ity fiadiana ny ho tompondakan’i Afrika ity satria hiadiana ny tapakila hiatrehana ny lalao Olympika. Misy mantsy ny antsoina hoe : “Ranking list” hakana isa sy filaharana ho an’ireo rehetra handray anjara amin’izany.

Tompondaka

Boky varoboba, ao amin’ny IFM Analakely. Hontotosaina rahampitso alakamisy ilay varotra amin’ny vidiny mirary ireo boky tontan’ny IFM. Manomboka amin’ ny 9 ora maraina izany, ka misy amin’ny kilao ary tsy ankifidy. Be mpiandry ity hetsika fanaon’ny IFM ity, satria ankoatra ny fandrisihana amin’ny vaky boky, fanavaozana ihany koa ireo ao amin’ny trano famakiam-boky izany.

Hifarana ny alahady izao ny fisoratana anarana amin’ilay fifaninanan-kira “En Chanson”. Mila manatona ny AFT Andavamamba ireo liana te hifaninana, re­he­fa mahafeno ny fepetra. Voalohany indrindra amin’izany, hira amin’ny teny frantsay no hifaninanana. Mila afaka ihany koa amin’ny fotoana hitsapana voalohany, ny 15 febroary izao.

Hampiaina indray ireo hiran’ny tarika Dadah R’Abel ry Tolotra, Kaloina, Nary ary i Erick Rason. Hotontosaina ny 14 febroary izao ity fiarahana ity, ma­nomboka amin’ny 8 ora alina, eny amin’ny Makay. Tao anatin’ny tarika Dadah R’Abel nandritra ny taona maro i Nary sy i Erick Rason ary izao mbola manohy mampiaina izany hatrany izao.

Nizara ny traikefany tao amin’ny Jazz Club CGM Analakely i Fy Rajaofetra, omaly. Fantatra eo amin’ ny fifehezany ny vatamaroafitsoka ity mpanakanto ity, ary manaraka tarika sy mpanakanto maro. Manana fahalalana momba ny mozika amin’ny ankapobeny koa anefa izy, ary anisan’ireo efa nandalo tao amin’ny Jazz Club CGM. Tamberin’adidy no nataony, araka izany.

Efa somary nisava kely izany ny alahady 2 febroary lasa teo. Efa nisy ireo olona voasambotry ny mpitandro filaminana nandritra izany, antony nampiato kely izany. Nitondra sorabaventy, niakatra teny an-tampon-tanàn’i Mahavelona Foul­pointe, ny fokonolona avy any Tanambao Firaisana, avy any atsimo sy avaratry ny Manda tamin’izany. Tsy hita tany amina mpandraharaha iray ny ankizilahy 14 taona ka anton’ny fitakian’izy ireo. Takin’izy ireo ny hamoahan’ io voalaza fa mpandraharaha izay niasan’io ankizilahy very io. Miahiahy ny ankamaroan’ny vahoaka fa mety efa maty na novonoina io ankizy voalaza io, matoa hatramin’izao mbola tsy hita ihany, raha ny fitarainana nataon’ireo mponina.
Niseho tamin’ny endrika maro ny fitakiana sy ny hetsika nataon’ny mponina nandritra ny andro maromaro. Nitan­dahatra nitety tanàna nilanja sorabaventy ny vahoaka tamin’ny andro voalohan’ny hetsika. Nitohy tamin’ny fidinana an-dalambe ny fitakiana na­taon’izy ireo ny andro faharoa. Taorian’izay, niakatra ny maripana sy ny hafanam-pon’ny vahoaka ka nitohy hatramin’ny fandravana ny fananan’ ilay mpandraharaha voalaza iza­ny. Anisan’ny rava, nandritra izany, ny trano fivarotam-panafody sy orinasa fanaovana hazo sy fanaka. Potika tsy nisy noraisina koa ireo fiara roa sy moto iray ary fanaka maro, ankoatra izay nentin’ny olona nody. Fananana an-tapitrisany maro no voaroba, amin’ny ankapobeny. Fana­fo­dy maro samihafa miparitaka eny anivon’ny tanàna, any an-toerana.

Ahina ny fanapoizinana
ara-panafody
Noho ireo fananana maro potika sy rava tany an-toerana, nambaran’ny mponina sasany ho niraviravy tanana ny raiamandreny sy ny tangalamena, indrindra ny mpitandro filaminana any an-toerana. Noho izy ireo tsy afaka nisoroka ny hetsika mba tsy hiafara tamin’ny fandravana sy fandrobana fananan’ olona tahaka izao.
Nandray fepetra avy hatrany ny prefektoran’i Toama­sina, Benandrasana Cyril, taorian’ny zava-nisy. Nandefa Emmo/Reg any an-toerana izy ary nanome baiko ny hisamborana ireo olona nanao ny fandrobana rehetra. Vokany, tovolahy 10 no voasambotry ny mpitandro filaminana ary efa nentina hadihadiana eny amin’ny manam-pahefana.
Ankoatra izay, nambaran’ny olona nanatri-maso ny zava-nitranga fa ahina hiteraka olana hafa ara-piarahamonina any Mahavelona Foul­pointe ny fiparitahan’ireo fanafody tao amin’ny trano fivarotana norobain’ny olona. Maro amin’ireo fanafody no saro-pady nefa lasa hananan’ny olona maro. Mety ho maro ihany koa ny olona hampiasa izany fahatany sy tsy hifanaraka amin’ny ambaran’ny mpitsabo akory. Miahiahy ny mety hitrangan’ny fanapoizinana ara-panafody any an-toerana, araka izany, ny olona.

Vola 4 tapitrisa ariary nentina nitsoaka
Nisy vola 4 tapitrisa ariary very tao amin’ny toeram-pivarotam-panafody, ny alin’ny 29 desambra 2024 lasa teo. Nohadihadiana avokoa ireo ankizy rehetra sy mpiasa tao amin’io trano fivarotam-panafody io taorian’izay. Tsy hita popoka, nandritra izany, ny vehivavy iray antsoina hoe Onimpandresena na Fan­dresena, mpiasa iray tao. “Raha amiko, nitondra io vola be io nitsoaka izy io ary mahafantatra tsara ny toerana azony hiafenana any an-toerana”, hoy ny tompon’ity trano fivarotana fanafody iray ity.

Fianakaviana sahirana

Nandritra ny korontana sy fandravana fananan’olon-tokana, tany Mahavelona-Foulpointe, hany sisa tavela tao amin’ilay mpandraharaha niantefan’ny fitakian’ny fokonolona ny vadiny izay mitondra vohoka ary ireo mpiasa miara-mitantana.
Marihina fa miasa sy monina aty Antananarivo Renivohitra ilay mpandraharaha. “Niangavy ahy mba handray ny zanany lahy 14 taona ny rain’izy io noho ny fahasahiranana mahazo azy ireo”, hoy ny fitantaran’ity mpandraharaha ity, Botsiaka Edintch. Nambarany fa tsy nanaiky ny hiasan’io zazalahy io aho satria tsy ampy taona izy, ary tapa-kevitra aho ny hampianatra azy asa tanana sady mipetraka aty amiko. Gaga anefa aho fa nolazain’ny rainy tsy hita io ary izao niafara tamin’ny korontana sy fandravana fananana izao. Nambaran’ny rainy fa maditra sy fainga tanana ity zanany ity. Nohamafisiny hatrany fa mbola niangavy azy mafy ilay rain’ ilay tovolahy lazaina fa tsy hita ny 21 desambra lasa teo, mba hanomezana trano ireo fianakaviana sy ray aman-dreny ireo, izay sahirana ara-pivelomana.

Nanatontosa : Sajo

Hanatanteraka fivoriambe ny eo anivon’ny Federasiona malagasin’ny taranja Jiu-jitsu Brezi­liana, ny 15 febroary izao. Efa fanao isan-taona izy ity, hanaovana tatitra ny asa vita nandritra ny taona. Eo koa ny hilazana ny fandaharam-potoana rehetra ho amin’ny taom-pikatrohana 2025.

Hatao ny 1 hatramin’ny 15 aogositra, any Maha­­janga, ny fifaninanana nasionaly eo anivon’ny Asief (Association sportive interministérielle pour l’entretien des fonctionnaires), taona 2025. Hisy ny lalao hifanandrinan’ny ekipan’ny Asief sy ny governemanta amin’ity indray mitoraka ity, raha ny fandaharam-potoana.

Notontosaina nanomboka ny sabotsy lasa teo, tetsy amin’ny ANS Ampefiloha, ny fampivondronana ny ekipam-pirenena malagasy, taranja tolona, sokajy zandriny U23, lahy sy vavy. Tsiahivina fa hiatrika ny fifaninanana afrikanina izy ireo ny volana marsa ho avy izao ka izay no antony isian’ity fanomanan-tena ity.

Ho fanomanana ny fifaninanam-pirenena taranja baolina kitra, “Pureplay Football League (PFL)”, nisy ny lalao ara-pirahalahiana nataon’ny CFFA, ny alahady lasa teo, teny amin’ny Kianja manara-penitra Tsi­roa­­nomandidy. Nahazo fandresena 6 no ho 3 nanoloana ny ekipa voafantin’i Bongolava ny mpilalaon’An­doha­ranofotsy tamin’io. Tsiahivina fa hanomboka ny faran’ny herinandro ho avy izao ny PFL.

Tsy manavaka! Niatrika ny lanonam-panokafana ny fifaninanana baolina kitra, « Tour­noi depiote Fidy », teny amin’ ny Kianja Soavaly, fokontany Fiadanana Soanerana, ny minisitry ny Tanora sy ny fa­natanjahantena (MJS), i Mou­s­tapha Abdulah Marson, afakomaly. Hetsika karakarain’ ny solombavambahoaka voafidy teny amin’ny boriborin­tany fahefatra, Rafidimanana Désiré.
Tsiahivina fa ao anatin’ny Politikan’ny filoham-pirenena, Rajoelina Andry, ny fanatanjahantena manakaiky vahoaka. Izay no antony anaovana ity fifanintsanana ity. Miisa 32 ireo ekipa mandray anjara amin’ity baolim-pokontany ity. Marihina fa ny fanokafana ihany no natao teny Fiada­nana, fa hiparitaka eny amin’ ny kianja Anosizato sy Anosi­patrana ihany koa izany.
Nanamafy ny minisitra fa tsy hisy ho diso anjara amin’ny fampiroboroboana ny fanatanjahantena sy ny fampivela­rana ny tanora ny eto an-drenivohitra, na ny any ambanivohitra. Ankoatra ny baolina kitra, hisy ihany koa ny fifanintsanana amin’ny taranja hafa toy ny lalao rugby, adin’ akoho ary ny tsipy kanetibe.

Fitia Randria

Anatin’ny fiomanana amin’ny fiatrehana ny fiadiana ny amboaran’ny klioba tompondaka eto amin’ny faritra faha-7, taranja volley-ball, amin’izao, ny ekipan’ny GNVB (Gendar­merie nationale de volley-ball), lahy sy vavy. Fifaninanana hatao any Maorisy, ny 1 hatramin’ny 8 marsa ho avy izao. Ho fanamafisana izay fanomanana sy fanazarantena izay, hisy ny “match de défi” hataon’izy ireo ny 8 sy 9 febroary izao, eny amin’ny Kianja mitafon’Ankorondrano. Lalao hifanandrinan’ny ekipan’ny Zandary, lahy sy vavy, amin’ny ekipa nasionaly voafantina, mpilalao mendrika notsongaina avy amin’ny klioba manerana ny Nosy.
Tsiahivina, firenena 6 no handray anjara amin’ity andiany faha-29, CCC Zone 7, ity. Ahitana an’i Comores, La Réunion, Maurice, Madagasikara, Mayotte ary Seychelles. Araka ny fandaharam-potoana navoakan’ny CAVB (Confédération africaine de volley-ball), ny 25 febroary ny fahatongavan’ny ko­mity mpanara-maso any an-toerana. Ny 26 sy 28 febroary ny fahatongavan’ny mpilalao sy ny mpanazatra rehetra avy amin’ ny firenena isanisany. Ny 28 febroary no hirosoana ny fanadihadiana mialoha sy ny fivoriana ara-teknika ary hanomboka ny lalao ny 1 marsa, hitohy hatramin’ny 8 marsa.

Mi.Raz

Asa goavana no miandry an’i Corentin Da Silva Martins, mpanazatra ny Barea de Madagasca. Miisa 6 ireo fihao­nana goavana hatrehiny amin’ity taona ity. Lalao hiadiana ny tapakila “Mondial 2026”.

Tsy misy fotoana hipetrapetrahana amin’ity taona 2025 ity ho an’ny mpanazatra vaovaon’ny Barea de Madagascar, i Corentin Da Silva Martins. Miisa 6 be izao ireo lalao hisedrana sy miandry azy. Fifanintsanana ho an’ny fiadian-toerana ho an’ny “Mondial 2026” ao anatin’ny vondrona “I”, misy an’I Mada­gasikara.
Akaiky indrindra amin’izany ny fifanandrinana amin’ny Repoblikan’i Centrafrique. Fihaonana hotanterahina ao amin’ny Complexe sportif Barthélemy Bongoda, ny 21 marsa ho avy izao. Lalao tafiditra amin’ny andro fahenina.
Telo andro aorian’io, ny 24 marsa, hampiantrano ny Kintana maintin’i Ghana etsy Mahamasina ny ekipan’i Mar­tins, eo amin’ny andro fahe­nina hatrany. Hatao eto Mada­gasikara avokoa ny andro fahafito sy fahavalo, ka handraisana an’i Centrafrique, ny 5 septambra ary i Tchad, ny 8 septambra.
Any ivelany daholo kosa ireo ambin-dalao roa farany. Anisan’ny goavana amin’izany ny hanafihana an’i Comores ny 10 oktobra ary hifanandrinana amin’i Mali ny 13 oktobra. Laharana fahatelo ny Barea de Madagascar tao­rian’ny fahavitan’ny andro efatra. Manana isa 7 rehefa na­hazo fandresena roa sy ady sahala iray ary faharesena iray.
Ho fanomanana ireo, tsy niandry ela fa ny sabotsy sy ny alahady lasa teo dia efa nijery ireo lalao ara-pirahalahiana nataon’ireo ekipa ao anatin’ny PFL ny tenany.
Tsiahivina fa ny alakamisy 30 janoary teo no voatendry i Corentin Martins, ary herintaona ny fifanarahana aminy. Ny hahatafita ny Barea de Mada­gascar any amin’ny fiadiana ny ho tompondaka maneran-tany “Mondial 2026” no andrasana aminy.

Tompondaka

Un ressortissant sud-africain âgé de 60 ans a été retrouvé mort, dimanche matin, au bord de la mer d’Ambotaky Ambanihazo, Commune rurale d’Iabokoho (Taolagnaro). Sitôt informé, le chef du poste avancé de Mahatalaky s’est rendu sur place avec ses éléments et le chef du CSB II d’Iaboakoho pour les constatations d’usage.
Le sexagénaire, un ancien employé de la société QMM, a disparu depuis dimanche. Il a pris la mer à bord de son Kayak le 30 janvier vers 6h, sans jamais revenir. Sa disparition a été constatée le même jour vers 14h, au moment où il devait prendre un vol à destination d’Antananarivo. Les forces de l’ordre ont mené les recherches, mais sans résultat jusqu’à cette découverte de dimanche.
Après les constatations d’usage, le corps du défunt a été remis à sa compagne habitant à Ampamakiambato Taolagnaro. Le tran­sport du corps entend encore l’arrivée du directeur régional de la Santé publique pour l’autopsie. Le poste avancé de Mahatalaky s’est saisi de l’affaire.

LR

La Direction régionale de Sécurité publique (DRSP) Analamanga passe visiblement à la vitesse supérieure en matière de lutte contre l’insécurité dans la capitale. Entre les 26 janvier et 2 février, la police a capturé 22 suspects. L’arrestation de 19 d’entre eux a déjà été rapportée dans nos colonnes, hier.
En plus des douze suspects arrêtés entre le 31 janvier et le 2 février que nous avons déjà indiqués hier, trois autres ont également fait l’objet d’une interpellation, dimanche. L’un d’eux a même été pris en flagrant délit de vol avec agression, dans la nuit de dimanche à Ampefiloha.
Le concerné a planifié un bike-jacking et a menacé un motard avec un objet tranchant quand les patrouilleurs du Poste de police avancé (PPA) Ampefiloha sont passés. Les policiers sont immédiatement intervenus pour capturer le suspect. Conduit au poste et mis en garde à vue, ce dernier fait actuellement l’objet d’une enquête.
Par ailleurs, les éléments du commissariat de Sécurité publique (CSP8) Analamahitsy ont également interpellé, dans la matinée de dimanche, un homme et une femme poursuivis pour vol au préjudice d’une société sise à Ivandry. La société ayant perdu une caméra professionnelle, un ordinateur portable, une tablette et quelques cartons de carrelage, la police a retrouvé sur les suspects la caméra et la tablette. Le butin a été restitué à son propriétaire et les deux suspects font l’objet d’une enquête approfondie.

LR

La nuit de samedi à dimanche, des informations sont parvenues à la brigade de gendarmerie de Vangaindrano au sujet de deux individus qui cherchaient à vendre un enfant de 9 ans dans la circonscription. Une équipe a été immédiatement mobilisée pour vérifier les faits.
En menant leurs investigations, les éléments des forces de l’ordre ont confirmé les informations reçues et ont appréhendé un couple accompagné de l’enfant en question.
Les deux suspects ont été immédiatement conduits au bureau de la gendarmerie pour l’enquête tandis que le garçon a été conduit au centre de santé de la ville pour être examiné.
A l’issue de l’enquête, les enquêteurs ont indiqué que le couple a un lien de parenté avec leur victime, mais la manière dont ils ont pris celle-ci des mains de ses parents reste floue. Les deux individus étaient dans la localité depuis 3 jours et cherchaient quelqu’un qui aimerait acheter l’enfant au prix de 20 millions d’ariary.

ATs.

Le fokonolona d’Avaradrova Morondava (Menabe) a repêché dans la mer, hier, les corps sans vie d’un homme de 25 ans et d’une fille de 16 ans. Il s’agit d’un couple selon les informations et le mobile exact de la mort n’est pas encore connu.
Pour l’instant, les constatations effectuées sur place ne révèlent que la piste d’une noyade, aucune blessure apparente n’étant décelée sur les cadavres. Quoi qu’il en soit, l’enquête menée par la police pourrait révéler la véritable cause de ce drame.
Le corps du jeune homme a été retrouvé en premier, hier vers 8h. Informés, les proches de la victime l’ont déjà récupéré après les constatations d’usage. Puis vers midi, celui de l’adolescente a également été découvert près de l’endroit où le fokonolona a fait la première découverte macabre, quelques heures plus tôt. La mère et la famille de la jeune fille se sont rendues sur place après en avoir été informées.
D’après les explications, le jeune homme et l’adolescente ont quitté leur maison respective dimanche vers 17h pour aller à l’église. Depuis, ils ne sont plus revenus et n’ont donné aucune nouvelle, et voilà qu’on les retrouve morts noyés dans la mer. Les enquêteurs suivent toutes les pistes et n’écartent ni la noyade accidentelle ni l’homicide maquillé en noyade ni même le double suicide.

LR