Velon-taraina ny ankamaroan’ny mponina any Nosy Be manoloana ny olan’ny fananan-tany any an-toerana amin’izao fotoana izao. Manaitra ny tomponandraikitra isan-tokony izy ireo.

Nambaran’ny sasany fa tsy mahazo rariny ireo manana olana ara-pitsarana momba ny ady tany. “Tena mitaraina izahay fa sahirana na misy aza ireo porofo maro samihafa anananay vahoaka. Manahy ny kolikoly avo lenta izahay”, hoy izy ireo.
Maromaro ireo raharaha ara-pitsarana momba ny olana amin’ny tany mandalo eo anivon’ny fitsarana any an-toerana. Nohamafisin’ireo manana olana amin’ny tany fa niharan’ny tsy fahazoana ny rariny hatrany izy ireo raha niakatra teny amin’ny fitsarana. Anisan’izany ny tompon’ny tany, i Charles, raha nilaza fa nandresy hatrany izy ireo tamin’ireo raharaha ara-pitsarana nifanolanany amin’ ireo mibodo ny taniny ao amin’ny fokontany Ambonara. “Nofoa­nan’ny fitsarana avokoa anefa ireo didim-pitsarana rehetra efa nivoaka tany aloha ka mahagaga anay”, hoy izy. Nanteriny fa misedra olana vokatry ny fanamparam-pahefana sy ny tsindrihazolena ary kolikoly ireo tompon’ny tany. Efa nandeha ny raharaham-pitsarana rehetra ary nivoaka mpandresy hatrany ilay tena tompon’ny tany. “Nampiakatra ny raharaha ilay mibodo tany saingy mbola nandresy hatrany ireo mpandova ny tany io, araka ny taratasy… Foana avokoa izany avy eo”, hoy izy. Nanteriny fa efa nanaraka akaiky izao raharaha izao ny minisitry ny Fitsarana teo aloha, Randriamanantenasoa Landy Mbolatiana. Efa nanome ny taratasy fa tsy mitombina ny fibodoana tany natao amin’ireo mpandova ireo, araka ny nambarany hatrany.

Synèse R.

Tsy maty tao ambavan’ny maro, omaly, ny fandresena, 4 no ho 1, azon’ny Barea nanoloana ny Les Fauves Centrafrique, afakomaly, tany Maroc. Araka io vokatra io, misy ny fanadihadiana natao tamin’ireo mpankafy baolina kitra maro teto an-drenivohitra, anisan’izany ny minisitry ny Tanora sy
ny fanatanjahantena (MJS), Moustapha Abdulah Marson.
“Nahavelombolo tokoa ny nahita ny endri-dalao nasehon’ny Barea, afakomaly. Azo lazaina taorian’ireny fa azontsika atao tsara ny mandresy an’i Ghana, ary manantena ny tenako sy ny Malagasy rehetra fa hanao “Mondial 2026””, hoy ny minisitra MJS, omaly.
Nametraka toromarika tamin’ireo delegasionina sy mpilalao tany an-toerana ihany koa ny minisitra mba hifantoka tsara amin’ny la­laon’ny Barea ny rehetra any Maroc.

Hevitry ny maro
Ankoatra ity minisitra ity, naneho ny heviny ihany koa ny mpanazatran’ny Barea teo aloha (2012, 2013, 2015), Rajaonarisamba Franck:
“Tsara ny lalao nasehon’ny Barea tamin’ny akapobeny, nanome ny tsara indrindra avy aminy avokoa ny mpilalao rehetra teny ambony kianja. Mety ilay fahitana ny mpanazatra vaovao angamba no mahatonga izay? Hain’ny teknisianina ihany koa ny nandrafitra ireo 11 mijoro voalohany. Ambony ny fanantenana hanao Mondial raha mitohy ny tahaka ireny. Mbola mipetraka ho lesoka ny tsy fahampian’ny fiarahana amin’ny akapobeny, saingy hain’ny mpilalao ihany ny nandray ny toromarika nomen’ny mpanazatra.”

Nilaza ny fahitany ihany koa moa ny mpanazatra ny Net Foot, Rivomanantsoa:
“Raha ny hevitro manokana, azo lazaina fa efa tsara ny ezaka nataon’ny Barea. Po­rofon’izany, nahatanteraka valin’ady tamin’i Centrafrique ry zareo. Maro ny zavatra tsara, saingy misy ihany ny tokony ho arenina. Raha ara-teknika teny ambony kianja, hita ho velona sy mientana kokoa ny avy aty amin’ny faritra ankavanana, raha toa ka somary nangina tsy nahitana fanafihana firy ny tao ankavia. Mila hamafisina sy jerena tsara ihany koa ilay tolotra farany hataon’ny mpilalao, matetika mahazo fanafihana tsara ny Malagasy saingy eo amin’ny tolotra farany no very.”
“Nahay nanararaotra ny fahavoazan’ny Les Fauves Centrafrique kosa ny Barea”, hoy ilay Malagasy mpankafy Barea, Randriatiana Tsife­rana. “Mahafa-po ny vokatra amin’ny ankapobeny. Hita hoe matihanina ny mpilalao, izay nametrahan’ny mpanazatra fahatokisana. Na izany aza, mila hamafisina hatrany ny fiarahan’ireo mpilalao vaovao vao nantsoina sy ireo efa tao hatramin’izay. Somary nahazo mpifanandrina malemy koa isika ka nahay nanararaotra satria aoka ho fantatsika fa nandalo fotoan-tsarotra ny baolina kitra tao Centrafrique teo aloha teo. Resaka mpanazatra moa no nampikorontana azy ireo. Nisy fiantraikany tamin’ny moralin’ny mpilalaony izany.”
Manantena moa ity mpankafy Barea ity fa hisy ny paikady mahomby apetraky ny mpanazatra hanatsarana ny ekipa malagasy hatrany ha­trany.

Nampiaiky ny maro ny fahaizan’i Couturier sy Harisson

Samy nilaza sy niombon-kevitra tamin’ny fahaizan’i Couturier sy Jean Harisson, Malagasy mpilalao avokoa ireto nanaovana fanadihadiana ireto. Tsiahivina fa niavaka tamin’ny fahaizana mitazona baoliana sy mandrindra lalao teny ambony kianja i Couturier, raha toa ka nahavariana ny maro ny fifehezan’i Harisson ny toerana vodilaharana, tsy nisy tafavoaka teo aminy sy i Thomas Fontaine avokoa ireo fanafihana nezahin’ny Les Fauves Centrafrique natao. Tsiahivina fa tamin’ity vao nantsoina handrafitra ny Barea, i Jean Harisson, raha toa ka efa tao hatramin’izay i Couturier.

Un agenda chargé. A peine arrivé avant-hier à Madagascar, le ministre délégué auprès du ministre de l’Europe et des affaires étrangères, chargé de la Francophonie et des partenariats internationaux, Thani Mohamed Soilihi, a participé hier à la célébration de la Journée internationale de la Francophonie, co-organisée par l’Organisation internationale de la Francophonie (OIF) et le Ministère malgache des Affaires étrangères. Il a aussi procédé à la signature de conventions relative à l’appui budgétaire de 5 millions d’euros avec la ministre de l’Economie et des finances, Rindra Hasimbelo Rabarinirinarison, pour soutenir 2 domaines clés, à savoir la santé et la sécurité alimentaire.
Ce jour, Thani Mohamed Soilihi assistera à la réunion ministérielle de la Commission de l’océan Indien (COI), en préparation du Sommet des Chefs d’Etat de la COI le 24 avril, avec comme thème «La sécurité et la souveraineté alimentaire». Un agenda bien chargé pour le ministre Thani Mohamed Soilihi lors de ces 2 jours de visite.
«A moins d’une semaine du Sommet «Nutrition pour la croissance» (N4G), qui se tiendra à Paris les 27 et 28 mars, ce déplacement mettra également en valeur l’engagement de la France en faveur des enjeux de nutrition à Madagascar», a indiqué le communiqué de l’ambassade de France.

T.N

Un retour en force impressionnant. Au sens propre comme au figuré, les Barea ont repris du poil de la bête, animés par une véritable rage de vaincre, comme on les aime, ne laissant aucune chance à leurs adversaires. Madagascar caracole en tête dans le groupe I. Que demande le peuple ?
Face aux Fauves de la Centrafrique sur la pelouse du stade El Arbi Zaouli au Maroc, les protégés de Corentin Martins, n’ont pas mis longtemps pour trouver leurs marques et démarrer sur les chapeaux de roues la 5e journée de la phase éliminatoire du mondial 2026. Et la magie a opéré : 4 buts à 1, c’est un score sans appel et un message fort envoyé aux Blacks Stars de Ghana, au menu des Barea ce lundi, dans un match qui s’annonce déjà palpitant.
Et le clou dans tout ça est que le nouveau coach des Barea, Corentin Martins, a réussi son baptême du feu avec panache. Premier match, première victoire, son aventure avec l’équipe nationale commence bien. Il faut reconnaître qu’il a réussi là où les autres ont échoué. Impulser une nouvelle dynamique d’équipe, mettre les joueurs sur la même longueur d’onde, faire évoluer le jeu de son équipe en fonction des circonstances du match…Et à cette allure, on sent que les Barea peuvent aller plus loin. Il y a un tandem qui fonctionne bien et mérite d’être affiné sur le terrain.
En tout cas, le fait de renouer avec la victoire permet de donner de la confiance aux Barea, pour la suite, avec un moral gonflé à bloc. Njiva et consorts ont déjà montré de quoi ils sont capables. Et avec de bonnes combinaisons tactiques dans tous les compartiments de jeu, les Barea se présentent comme une équipe redoutable. Et les Blacks Stars de Ghana n’ont qu’à bien se tenir. L’essentiel pour Corins Martins est maintenant de maintenir le cap et continuer sur cette belle lancée et sur un bon pied.

Andry Rabeson

En marge de la célébration de la journée internationale de la Francophonie, hier au Lycée moderne Ampefiloha, la ministre des Affaires étrangères, Rasata Rafaravavitafika, a donné des précisions sur le programme du sommet des chefs d’Etat et de gouvernement de la Commission de l’océan Indien (COI), marquée par la présence d’Emmanuel Macron.

Beaucoup se demandent si l’épineuse question des îles Eparses sera abordée lors du sommet de la COI. A ce sujet, Rasata Rafaravavitafika a souligné que comme il s’agit d’une rencontre entre les chefs d’Etat et du gouvernement de l’océan Indien,axée sur la «Sécurité et souveraineté alimentaire : vers le développement du marché de l’India­nocéanie», les affaires bilatérales ne figurent pas dans le programme.
Même si la ministre ne l’a pas directement abordé, ce sommet n’est pas destiné à régler les différends entre les Etats membres. Autrement dit, les îles éparses au centre d’un bras de fer entre Ma­dagascar et la France, ne seront pas à l’ordre du jour. Cela rentre plutôt dans le cadre d’une négociation bilatérale.
Toutefois, Rasata Rafara­va­vitafika n’écarte pas l’idée que la visite d’Emmanuel Macron à Madagascar, serait une occasion de jeter un regard rétrospectif sur la coopération bilatérale passée, en cours et future, avec son homologue, le président malgache, Andry Rajoelina. Est-ce que les négociations sur la restitution des îles Eparses au point mort, vont-elles reprendre ? Là est toute la question.
Dans une interview accordée au Figaro en octo­bre 2024, le président de la République, Andry Rajoe­lina a réaffirmé haut et fort que les îles éparses sont malgaches. Il a exhorté les autorités françaises à prendre le taureau par les cornes en examinant sérieusement les solutions possibles pour parvenir à leur restitution. Par ailleurs, il a souligné qu’il est le seul chef d’Etat malgache à avoir osé réclamer officiellement ce territoire à la France.

Francophonie et éducation
A l’occasion de la Jour­née internationale de la Francophonie, la ministre Rafaravavitafika a évoqué les bénéfices tirés de la coopération avec l’Orga­nisation internationale de la Francophonie (OIF), dont Madagascar est membre fondateur. Les projets soutenus par l’OIF profitent aux universités, aux opérateurs économiques et à la société civile voire différentes personnes (femmes, enfants…)
Cette année, la célébration a été axée sur l’éducation. «L’éducation est l’essence même d’une personne», a-t-elle insisté, parmi les priorités du président Ra­joelina, qui valorise ce précepte en misant sur les infrastructures scolaires et universitaires pour promouvoir l’éducation. Il n’y a pas de développement possible sans éducation, a martelé la cheffe de la diplomatie malgache.
«Le français, langue di­plomatique et vecteur de savoir, incarne notre engagement pour une éducation inclusive et un capital hu­main valorisé. Mada­gascar œuvre sans relâche pour promouvoir la diversité linguistique et l’autonomisation des femmes, comme en témoigne le programme “Francopho­nie avec Elles”, a ajouté Rasata Rafaravavitafika.
Le ministre délégué auprès du ministre de l’Eu­rope et des affaires étrangères chargé de la Franco­phonie et des partenariats internationaux, Thani Mo­hamed-Soilihi, actuellement en visite à Madagascar, a évoqué les liens historiques, économiques, culturels ga­gnant-gagnant entre les deux pays.
«Je suis venu faire une visite sur terrain en préparation du Sommet de la COI en amitié, en voisin et en frère», a-t-il déclaré. Il a alerté sur les difficultés de la sécurité alimentaire, importante pour l’avenir des générations futures : «Si on n’assure pas la nutrition dès le bas-âge, l’avenir ne vaut même pas d’être réfléchi», selon ses dires.

F.M

Efa navoakan’ny minisiteran’ny Fanabeazam-pirenena ny tetiandrom-pampianarana ho an’ny taom-pianarana vaovao 2025-2026, ny volana febroary lasa teo. Hanomboka ny 8 septambra 2025 ny taom-pianarana ary hifarana ny 25 jona 2026. Notazonina ho roa volana dimy ny fizarazarana, elanelanin’ny fiatoana fohy, herinandro iray ankoatra ny fialantsasatra ho an’ny Noely sy ny Paka. Hosantarina ny 8 septambra ny roa volana voalohany ary hifarana ny 24 oktobra. Hisy fitsaharana ny 25 oktobra hatramin’ny 2 novambra 2025. Miditra amin’ny roa volana faharoa ny 3 novambra hatramin’ny 19 desambra. Miroso amin’ny fialantsasatra ho an’ny Noely ny 20 desambra hatramin’ny 4 janoary 2026.
Roa volana fahatelo no hatrehin’ny mpianatra manomboka ny 5 janoary 2026 hatramin’ny 20 febroary. Andron’ny sekoly ny 18 febroary hatramin’ny 20 febroary. Ny 23 febroary vao mitohy amin’ny roa volana fahefatra hatramin’ny 27 marsa. Fialantsasatry ny Paka ny 28 marsa hatramin’ny 8 avrily. Mamarana ny roa volana fahadimy farany ny mpianatra manomboka ny 9 avrily hatramin’ny 25 jona 2026. Miditra amin’ ny fialantsasatra lehibe ny 26 jona.
Mandray ny asany ny mpandraharaha eny amin’ny sekoly ho an’ny taom-pianarana 2025-2026 ny 25 aogositra raha ny 1 septambra kosa ho an’ny mpanabe rehetra.

Vonjy

Mbola malalaka ny asa miandry ireo mpisehatra ara-tsosialy eto Madagasikara. Manana andraikitra voalohany amin’ ny fampandrosoana ny firenena izy ireo.

Nankalazaina afakomaly, ny Andro iraisam-pirenena ho an’ny mpisehatra ara-tsosialy. Nomarihin’ izy ireo tamin’ny alalan’ny hetsika samihafa izany. Anisan’ny nanao hetsika mahakasika izany ny teo anivon’ny sekoly ES.DES tetsy Ankadivato. Nisy ny famelabelaran-kevitra sy ady hevitra niarahan’ny mpampianatra sy ny mpianatra niresahana ny asa sosialy. Ankoatra izay, nanatanteraka asa sosialy teny anivon’ny fokontany An­kadivato ireo fikambanan’ny mpianatra. Nisitraka fanampiana, nandritra izany, ny mponina sahirana teny an-toerana.
“Olana tsy mampandroso ny firenena ny tsy fijerena ny resaka asa sosialy satria mbola marobe ireo olona sa­hirana ara-pivelomana, tsy manana asa sy ny maro hafa”, hoy i Manjaka Rakoto David, tale jeneralin’io sekoly io. Mifanohitra tanteraka any
amin’ny firenena mandroso izany satria manampy ireo olona sahirana ireo ny fanjakana. “Manana mpiantsehatra ara-tsosialy maro i Mada­gasikara, manan-danja sy manana anjara andraikitra amin’ny fampandrosoana ny firenena izy ireo”, hoy hatrany izy ireo. “Mbola malalaka ny asa sosialy eto Madagasikara, ahitana sokajy telo ny asa miandry azy ireo.
Eo ny mpanentana eny anivon’ny fiarahamonina, ny Assistante sociale izay ma­nampy amin’ny famahana ny olana se­drain’ny olona. Farany, ny mpanabe eny anivon’ny fiarahamonina, izay tena zava-dehibe ahatongavana amin’ny fampandrosoana ny firenena”, hoy kosa Rakotozanany Hervé, mpanabe.

Mino

Niatrika filankevitra kaominaly tsy ara-potoana fanindroany ireo mpanolotsain’ny Tanàna miisa 19 mianadahy avy amin’ny vovonana Irmar, izay mpiray lisitra amin’ny ben’ny Tanàna voa­fidy, ny mpitsara Andriafa­nomezantsoa Lovaheritiana Alain. Manodidina ny valo ireo avy amin’ny MTS sy ny firaisankina, raha samy manana lisitra iray avy ny amin’ny tsy miankina. Notanterahina tany an-toerana, nanomboka ny
11 hatramin’ny 13 marsa lasa teo, ny fivoriana.
Tsy maintsy hotratrarina ny tanjon’ny filoham-pirenena amin’ny maha kandidà voafidy azy amin’ny avy amin’ny vovonana Irmar. « Tsy tratra anefa izany raha tsy misy ny fiaraha-miasa amin’ny mponina any Toamasina sy ireo mpanolo­tsaina », hoy ny ben’ny Tanàna voafidy, ny mpitsara Andriafa­nomezantsoa Lovaheritiana Alain. « Ezaka atao ny hampitovy ny fomba fijery mba ha­nasoavana ny tanàna hatrany ifotony », hoy hatrany izy. Etsy ankilany, nilaza ny fahavononany amin’ izany ireo mpanolotsaina miisa 19 mianadahy nandritra ny fivoriana tsy ara-potoana faharoa nataon’izy ireo. Nolanian’izy ireo koa ny volavolan-dalàna maro natolotry ny mpanatanteraka. Ani­san’izany ny fampiakarana ny saran’ny fanaovana sora-piakohonana, ny hametrahana fiantsonana ho an’ireo fiara sy moto eny amin’ny Boulevard Ratsimilaho. Eo koa ny fanavaozana ny fomba fisitrahana rano. Toy izany koa ny fanafoanana ny famokarana posy vaovao ary hasiana fanovana ny laharana ho an’ireo posy tsirairay. Famerenana ny mpivarotra ho any anatin’ny tsena, mba tsy hivarotra amoron-dalana intsony. Ny fametra­hana rafitra hanara-maso ny fahadiovana sy fidiovana momba ny tanàna eny ani­von’ny fokontany ihany koa.

Hirosoana ny tsena
manara-dalàna

Hapetraka ny maha tsena ara-dalàna ireo mpivarotra rehetra any an-tanànan’i Toa­masina. Tanjona ny hahafahana mampiditra hetra anatin’ny kitapombolan’ny kaominina. “Manoloana izany, tsy azo ekena intsony ny fivarotana ivelan’ny tsena, amoron-dalana, izay betsaka ny manao azy satria natokana ho an’ny mpandeha an-tongotra ny sisin-dalana”, hoy ny ben’ny Tanàna voafidy. Etsy ankilany, anisan’ny tsena na varotra tsy manara-dalàna ny varotra mandehandeha eny ambony kalesa, raha ny nambarany. Tsy mandoa hetra ireny ka hapetraka ny lamina mba handoavan’izy ireny hetra ho an’ ny kaominina. Nohamafi­siny fa tsy vitan’ny tsy mandoa hetra izy ireny fa antony mahatonga ny fitohanana eo amin’ny fifamoivoizana ihany koa. Tanjona ny hisian’ny tsena manara-dalàna izay antoky ny filaminana. “Raha tsy milamina ny tsena, mirongatra ho azy ny asan-jiolahy amin’ny fanen­dahana sy harom-paosy, ary indrindra ny fivarotana zava-mahadomelina”, hoy izy nanamafy. Samy manantena sy miandrandra fiaraha-miasa sy fiaraha-mientana ny rehetra mba hahatonga ny renivohitry ny faritra Atsinanana handroso ara-toekarena ao anatin’ny dimy taona manaraka.
Manoloana ireo fanapahan-kevitra noraisina ireo, isan’ andro ny fidinana ifotony isam-pokontany ataon’ny kaominina, mba hahafahana manatratra ireo tanjona napetraky ny kaominina. Atomboka amin’ny fanovana ny toe-tsaina eo amin’ny tsirairay ny fanovana apetraka.

Apetraka ny paikady

Mirongatra ny haintrano any Toamasina, hita sy tsapa ho sahirana ny mpamonjy voina eo am-panatanterahana ny asany. Manoloana izany, mila apetraka ny paikady vaovao entina hanatsarana ny fomba fiasa. Voalohany ny fanokafan-dalana, izay sakana ho amin’ny fidiran’ireo fiarabe mpamonjy voina matetika. Ankoatra izay, apetraka ny lalàna ahafahan’ny hafa mivezivezy ary asiana lalana hidiran’ny fiaraben’ny mpamonjy voina any anaty elanelan-trano. Hitarina ny lalankely eny anelanelan-trano any an-toerana, iaraha-miasa amin’ny sefo fokontany.

Matotra ny fiaraha-miasa

Hatreto, azo tarafina ho matotra ny fiaraha-miasa eo anoloan’ny samy mpanolotsaina eo anivon’ny kaominina an-drenivohitr’i Toamasina. Na dia eo aza ny fifangaroan’ny antoko politika amin’ireo mpanolotsaina any an-toerana. Raha atambatra, miisa 10 ny mpanohitra ary sivy ny avy amin’ny fanohanana ny fitondrana. Ankoatra izay, hita taratra sahady ihany koa ny fahavononan-dRasolonjatovo Fidel, voafidy teo anivon’ ny antoko politika Tim. Izay nirotsaka tamin’ny anaran’ny kandidà tsy miankina ary tokana eo anivon’ny filankevitra kaominaly ho filoha lefitra izy. Hatramin’izao, hita ho matotra ny fiaraha-miasa ary samy milaza fa hitondra fanovana goavana ho an’ i Toamasina izao fiaraha-miasa izao.

Nodimandry omaly, maraina, ny mpanazatran’ny klioban’ny Elgeco, taranja baolina kitra, ny Coach Blaise, araka ny loharanom-baovao. Raha ny vaovao voaray, nitambotsitra noho ny fahazoana fandresena tamin’ ny lalao baolina kitra, ny alahady lasa teo, no nitarika tamin’izao fahafatesany izao.

Mamaram-parana ny fiofanana ataony, eo amin’ny taranja Muay Thai, amin’ity herinandro ity, ny Tale Teknika nasionalin’ ny federasionina malagasy ny Muay Thai, Maitre Razanajatovo Gildas. Ao anatin’ny fanadinana izy amin’izao ary eo am-piandrasana ny mari-pahaizany. Ny fiandohan’ny volana avrily izao izy no higadona eto an-tanindrazana.

Nanao fampitam-baovao ny federasionina malagasin’ ny Volley ball fa hisy ny fitiliana ireo tanora mpanao Volley anaty efitrano manerana ny Nosy, 14 hatramin’ ny 17 taona, hitsongaina izay handrafitra ny ekipa nasionalin’ny volley ball, handray anjara amin’ny andiany faha-13 amin’ny CJSOI hatao any Seychelles.

Hatao ny 22 marsa izao, eny amin’ny Mining Business Center Ivato, ny fiadiana ny tompon­dakan’Analamanga “Big Tana”, taranja Bodybulding. Avy hatrany dia hitohy amin’ ny fiadiana ny tompondakan’i Madagasikara izany, ny sabotsy 29 marsa. Efa nahavita ny fifaninanana avokoa ny ankamaroan’ny ligim-paritra manerana ny Nosy.

Taorian’ny fanokafana ta­min’ny fomba ofisialy ny taom-pilalaovana 2025, ho an’ny taranja atletisma izay nomarihina tamin’ny fifaninanam-pirenena amin’ny cross-country. Fihaonana, notanterahina tany amin’ny ligin’Ihosy ny sabotsy 15 marsa lasa teo, fantatra fa ao anatin’ny fanomanana ireo fihaonana iraisam-pirenena indray ny federasionina malagasy ny atletisma (FMA).
Miisa 4 ireo fifaninanana any ivelan’i Madagasikara, tsy maintsy hatrehina. Anisan’ire­ny ny fiadiana ny ho tompondakan’i Afrika “sur piste”, ha­tao any Algerie ny 14 ka hatramin’ny 18 jolay ho avy izao. Natokana ho an’ny sokajy U18 sy U20 lahy sy vavy izy io. Aorian’io, ny lalao ho an’ny vaomieran’ny ranomasimbe indianina (CJSOI), ho an’ireo atleta latsaky ny 18 taona. Hampiantrano izany i Seychelles, ny 28 jolay ka hatramin’ny 10 aogositra 2025.
Eo koa ny sokajy “senior” lahy sy vavy, izay hiatrika ny fiadiana ny ho tompondaka maneran-tany amin’ny “sur piste” hatrany. Fihaonana hatao any Japon ny 11 ka hatramin’ny 20 septambra ho avy izao ary ny mamarana azy ny “Relais de ST Benois” atsy La Réunion ho an’ny sokajy “senior” ny 11 novambra 2025.
Ezahina araka izay tratra ny hiatrehana ireo fihaonana rehetra ireo araka ny nambaran’ny tale teknika nasionaly. Efa nampahafantarina ny minisiteran’ny Tanora sy ny fanatanjahantena rahateo ireo fandaharam-potoana ireo.

Tompondaka

Efa ela niandrasana ny mpankafy rugby. Tonga ny fotoana hiatrehana ny lalao manasa-dalana, hiadiana ny ho tompondakan’i Madaga­sikara, “XXL Top 12”. Ho­tanterahina ny alahady ho avy izao, etsy amin’ny Kianja Makis Andohatapenaka izany dingana izany. Hangotraka ny fihaonana satria hidona ireo sangany. Anisan’ny lalao andrasan’ny rehetra ny fifanandrinan’ny TFMA Ankasina (Boaikely manohitra) sy ny FTM Manjakaray (Dakar). Adin’ny samy kartie ireo ary efa ela nifampiandry. Raha tato anatin’ny 4 taona lasa aloha, tsy mbola nandresy an-dry zareo Manjakaray ry zareo Ankasina. Ity izany no tsotsorimamba isarahana ho an’ny andaniny sy ny ankilany.
Efa samy nanomana ary vonona hidona ny roa tonta. Hangotraka, araka izany, ny fifanandrinan’izy ireo. Na izany aza, heverin’ny rehetra fa manatombo kely amin’ny traikefa ireo mpilalaon’ny FTM saingy manana ny fahaiza-manaony koa ny Boaikely manohitra.
Fihaonana iray hanan-danja ihany koa ny an’ny Uscar (Kaominina Antana­narivo Renivohitra) sy ny Cosfa (Bebaoty). Ekipa diso mifankahalala tsara izy ireo ka tsy hifampikoso-maso. Ma­tanjaka ny miaramila saingy havanana amin’ny hazakazaka koa ny Uscar. Mialoha ireo lalao ireo ny ankatoky ny famaranana ho an’ny D1, sokajy vehivavy, ka hifampitana ny FTM sy ny SCB Besa­rety ary ny FTFA Antohoma­dinika sy ny RCTS Soavima­soandro.

Tompondaka

Hotontosaina ny alarobia 26 marsa amin’ny 4 ora hariva, ao amin’ny Kianja Barea Mahamasina, ny fifaninanana “match de Gala pour la Jeunesse», karakarain’ny minisiteran’ny Tanora sy ny fanatanjahantena. Hifandona amin’izany ny “All Stars” misy ireo Malagasy mpanao fanatanjahantena kalaza sy ny “Team heros” ahitana ireo andrarezin’ny taranja baolina kitra.

Namoaka ny filaharana ofisialy ho an’ireo klioba nandray anjara tamin’ny CCC Zone 7 farany teo, ny teo anivon’ny Kaonfederasionina afrikanin’ny volley-ball (CAVB). Laharana faharoa ny ekipan’ny GNVB, lehilahy, izay aorian’ny ekipan’ny Tampon Gecko Renioney. Laharana fahefatra kosa ny GNVB, vehivavy, ary laharana faha-5 no misy ny ekipa malagasy vehivavy, ny Squad X.

Hotontosaina ny faran’ity herinandro ity, eny amin’ny Kianja Barea Mahamasina, ny dingana famaranana amin’ny fiadiana ny ho tompondakan’ny seksionina Antananarivo Renivohitra, taranja basikety. Hifandona eo amin’ny U16, lehilahy, ny ASSM sy ny Cosfa, U16 Vehivavy, ny Fandrefiala sy Lucadro. Ho an’ny N1B kosa, hifandona eo amin’ny lehilahy, ny AKKB sy ny ASSM ary hifanandrina eo amin’ny vehivavy kosa, ny JCBA sy ny ACA.

Niatrika fifaninanana isan-tarika niarahana tamin’ny ekipan’i Angola, ny Malagasy mpanao Judo, Rasoanaivo Lauara, ny 14 hatramin’ny 16 marsa lasa teo, tany Huambo Angola. “Angola National Team Championship” no anaran’ity fifaninanana ity. Azo lazaina ho tsara ny vokatra ho azy sy ny ekipany satria tafiditra laharana fahatelo izy ireo ary nahazo ny medaly alimo. Ny “Elite Judo Club” ao Angola no nisoloan’i Laura tena niaraka tamin’ny mpikatroka angolais. Na tsy ekipa malagasy aza ity nilalaovany ity, nanome ny tsara indrindra avy aminy Rasoanaivo Laura. Naharesy foana izy tamin’ ny ady rehetra natrehiny ary anisan’ny singa iray nitondra fandresena ho an’ny ekipany izy.
Tsiahivina fa fifaninanana nivondronan’ny firenena afrikanina maro sy nahitana fandraisana anjaran’ny mpikatroka maro ity fifaninanana avo lenta ity. Firenena nandray anjara tamin’izany, i Angola mpampiantrano, ny Repoblika De­mokratika Congo, i Afrika Atsimo ary i Congo.
Nanamporofo ny maha kalaza azy eto Afrika indray i Laura, araka izany, tamin’ity fifaninanana afrikanina ity ary eo am-panomanana ireo fifaninanana hafa anatin’ny fiadiana ny tapakilan’ny lalao olympika 2028, hatao any Los Angeles ny tenany amin’izao. Mbola misy fifaninanana manodidina ny 5 eo miandry azy hahazoany izay tapakila izay.

Mi.Raz

Hifantoka any Maroc ny sain’ny mpitia fanatanjahantena, indrindra ny mpiondana baolina kitra, anio. Hotanterahina any an-toerana ny fifanintsanana hiadian-toerana ho an’ny «Mondial 2026». Hifampitana amin’izany ny Barea de Madagascar sy ny Les Fauves Centrafrique.

Hotanterahina anio, ma­nomboka amin’ny 7 ora alina, ao amin’ny Kianja Larbi Zaouli Maroc, ny lalao hifanandrinan’ny Barea de Ma­dagascar sy ny Les Fau­ves Centrafrique. Fihaonana tafiditra amin’ny andro fahadimy, hiadian-toerana amin’ny «Mondial 2026», ho an’ny sokajy I. Efa any an-toerana avokoa ireo mpilalao hiatrika izany.
Vonona ny Barea de Madagascar, izay hanala vela manoloana ny Fauves. Raha tsiahivina, indroa resin-dry zareo Centrafrique ny Barea, nandritra ny fifanintsanana ho an’ny «Can 2024». Niondrika tamin’ny isa 3 no ho 0, tetsy Mahamasina ary mbola resy 2 no ho 0, teo amin’ny lalao miverina, tany Bangui.
Nambaran’i Corentin Mar­tins, mpanazatran’ny Barea, fa “mpilalao manana ny fahaiza-manaony amin’ny famonoam-baolina ny Malagasy saingy tsy ampy fifantohana”. Nifantoka tamin’izay indrindra ny fanomanan-tena nataon’ny Barea, nanomboka ny alahady lasa teo. Nahitsy, araka izany koa, ny tsy hisian’ny baolina maty any amin’ny fiafaran’ny fotoana izay nanjo ny Barea tao anatin’ireo lalao efatra nataony.
Tsiahivina fa io no fihaonana voalohany iarahan’i Co­rentin Martins amin’ny Barea. Salama tsara avokoa ireo mpilalao rehetra ary ambony ny toe-tsaina entina hiatrika ny lalao amin’ity anio ity. Efa any an-toerana ihany koa ny ekipan’ny Les Fauves Centra­frique. Araka ny tati-baovao, mailo tanteraka ry zareo amin’ ity lalao hifanandrinany amin’ny Barea de Madagascar ity. Nanova mpanazatra ihany koa izy ireo ka ilay kameroney, i Rigobert Song, no mitondra azy ireo amin’ity lalao ity. Raha tsiahivina, mitana ny laharana fahatelo ny Barea de Madagascar, manana isa 7, raha fahadimy ny Les Fauves, amin’ny isa 4.

Tompondaka

Nanomboka omaly, teny amin’ny Kianjan’Alarobia ny fampivondronana ireo atleta malagasy, hitiliana izay hiatrika ny fiadiana ny ho tompondakan’i Afrika, taranja karate, hatao any Nizeria, ny 22 hatramin’ny 27 jolay izao. 33 mianadahy, mpikatroka mendrika nandritra ny fifaninanam-pirenena farany teo, ireo miatrika fampivondronana ireo, araka ny fanazavan’ny filohan’ ny Federasionin’ny karate-do malagasy (FKM), Ratefina­nahary Emile. Araka izany, haharitra hatramin’ny fiandohan’ny volana jona izao ny kotrana sy fanazaran-tena ataon’ireto atleta ireto ary hizara 3 ny fandaharam-potoanan’izy ireo amn’izany. Intelo isan’andro no anaovana izay fanazaran-tena izay, ka amin’ny 5 ora sy sasany hatramin’ny 7 ora latsaka fahefany maraina, ny tapany voalohany (Kianjan’Alarobia), mitohy amin’ny 12 ora hatramin’ny 2 ora atoandro (Gymnase Ankoay). Ny hariva kosa amin’ny 5 ora sy sasany hatramin’ ny 7 ora sy sasany (Gymnase Ankoay).
Ho an’ireo any amin’ ny faritra, eny amin’ny renivohi-paritany izy ireo no mivondrona ary misy ny fiarahana amin’ny avy eto Antananarivo amin’ny ampahan’ny fampivondronana hatrehan’izy ireo, hahafahana mampitovy tantana ny lentan’ny mpikatroka tsirairay. Ny fiandohan’ny volana jona no hanaovana ny fitsapana ireo mpikatroka ka hamoahana ny lisitra faran’izay hiatrika ny fiadiana ny ho tompondakan’i Afrika hatao any Nizeria. Tsy manenjika isa ny federasionina fa izay miankina amin’ny teknika ny isan’ny mpikatroka malagasy, raha ny fanazavan’ny filohan’ny FKM. Maminavina ny handefa atleta 20 mianadahy kosa ny federasionina.
Eo amin’ny hoenti-manana kosa, miaraka mifarimbona ny FKM, ny MJS, ny mpanohana, ny ray aman-dreny ary ny ligy.

Mi.Raz

Tontosa ny faran’ny herinandro teo, teny amin’ ny Kianja mitafon’Ankorondrano, ny “Invictador Jiu Jitsu Tournament”, taranja Jiu-jitsu brezilianina. Klioba maro no nandray anjara ka nahazo ny anaram-boninahitra betsaka sy voahosotra ho mendrika indrindra ny Checkmat, manaraka azy ny Southside ary ny fahatelo ny Guerreros.

Nahavita ny fiadiana ny tompondakany avy ny ligin’Atsinanana sy ny ligin’Itasy, taranja Bodybuilding, ny faran’ny herinandro teo. Ny 29 marsa izao kosa no hanatanterahana ny Big Mada, fiadiana ny ho tompondakan’i Madagasikara. Hatramin’ ny 20 marsa izao ny fara-fandraisana ny anaran’ireo handray anjara amin’izany.

Handeha mivantana amin’ny fahitalavitra TVM ny lalao hifandonan’ny Barea amin’ny Centrafrique sy Ghana, izay hatao any Maraoka, ny alarobia 19 marsa (7 ora hariva) sy alatsinainy 24 marsa (10 ora sy sasany alina). Lalao tafiditra anatin’ny andro fahadimy sy fahenina amin’ny fifanintsanana hahazoana ny tapakilan’ny fiadiana ny amboara maneran-tany 2026.

Raikitra ny fifaninanana “Morengy Iarivo”, karakarain’ny Poezy Company sy Boite Noire, izay hatao ny 6 avrily izao, eny amin’ny Kianjan’ny kanto. Mpiangaly morengy kalaza maro no hifampitady amin’io fotoana io, ka anisan’izany ny ady eo amin’i Armand, avy amin’ny Boite Noire sy i Balack Canon, avy amin’ny Scorpion Noir Nosy Be. Manomboka amin’ny 2 ora tolakandro ny fifaninanana.

Tontosa soa aman-tsara tany Ihosy, ny sabotsy lasa teo, ny fiadiana ny tompondakan’i Madagasikara, taranja cross-country. Fifaninanana nokarakarain’ny Federasionina malagasy (FMA). Voahosotra ho tompondaka teo amin’ny Senior, vehivavy, i Sendrafefinirina Marie avy amin’ny Cam Itasy. Vitany tao anatin’ny 35 mn 19 s ny halavirana 10 km. Resiny, Ralisinirina Mathe, avy amin’ny 3FB Analamanga, tompondaka farany. Nionona tamin’ny laharana faharoa ny tovovavy. 36 mn 29 s ny fotoana vitany. Fahatelo, Ravoniarisoa Chantal, Cam Itasy, nahatontosa ny hazakazany tao anatin’ny 36 mn 53 s.
Ho an’ny lehilahy, voalohany i Soja Valabe, atletan’ny Assaff Anosy. 30 mn 10 s ny fe-potoana namitany ny halavirana. Tara 1 segondra taoriany, Ratsiorisoa Alain, avy amin’ny Cam Itasy. Niady hatramin’ny farany ny hazakazaka teo amin’izy mirahalahy. Fahatelo, Rakotonirina Jean Claude, atletan’ny Crown Vakinankaratra, 30 mn 20 s. Nahatratra 209 mianadahy mianaka ireo nandray anjara. Tsy nandefa solontena ny ligin’Atsinanana sy Bongolava ary Diana.

Tompondaka